Стала вядома, якім будзе надвор'е гэтым летам у Беларусі

Прагноз сіноптыка.

Якім далей будзе гэтае лета, распавёў дзяржтэлеканалу АНТ сіноптык змітры Рабаў. Аналізуючы прагнастычную інфармацыю сусветных метэацэнтраў і інстытутаў, можна меркаваць, што лета ў Беларусі чакаецца вельмі цёплым, уважае Рабаў.

Тэмпературны фон прагназуецца на 1-2°C вышэй за кліматычную норму, якая складае +18°C.

Галоўнай асаблівасцю гэтага лета можна лічыць вялікую зменлівасць умоў надворʼя. Магутныя працяглыя хвалі цяпла будуць змяняцца інтэнсіўнымі зацяжнымі пахаладаннямі.

Змена працэсаў – пераход ад цяпла да холаду і наадварот будзе суправаджацца комплексам небяспечных зʼяў надворʼя, такіх як моцныя ліўні, навальніцы, град.

Працяглыя дажджы могуць прыводзіць да пераўвільгатнення глебы, дэфіцыту цяпла і дажджавых паводак. Хвалі цяпла багатыя сухавеямі, засухай і прыроднымі пажарамі.

Прагназуецца, што колькасць ападкаў будзе блізкай да кліматычнай нормы. На працягу лета нас чакае ў сярэднім ад 24 да 32 вільготных дзён. Дарэчы, прыкладна 80 працэнтаў усіх выпадкаў небяспечных зʼяў надворʼя прыпадае на летні перыяд года.

Нагадаем, у нядзелю, 9 чэрвеня, раніцай і ўдзень на большай частцы краіны пройдуць кароткачасовыя дажджы, у асобных раёнах навальніцы, паветра прагрэецца да +19…+26°С, на паўднёвым усходзе да +28°С.