Сілавікі разграмілі самае папулярнае ў расейцаў беларускае казіно

Яно знаходзіцца за 500 метраў ад уезду ў Беларусь з РФ.

На мінулым тыдні адбыўся пагром у М1 – папулярным казіно ў Дубровенскім раёне, якое знаходзіцца за 500 метраў ад уезду ў Беларусь з Расеі. Сведкі расказалі «Нашай Ніве» пра некалькі машынаў спецназу і дзясяткі затрыманых паводле эканамічных крымінальных артыкулаў.

Цяпер датэлефанавацца да «М1» немагчыма – на паказаным на сайце нумары ніхто не здымае.

У выніку пагрому было затрыманае кіраўніцтва, а таксама супрацоўнікі казіно – усяго некалькі дзясяткаў. Гасцей з Расеі адпусцілі.

На мінулым тыдні з'яўлялася інфармацыя пра такі пагром у казіно «Опера» ў менскім гатэлі «Пекін».

Як кажуць суразмоўцы «Нашай Нівы», справы «Оперы» і М1 звязаныя. І тых, і другіх абвінавачваюць ва ўтойванні часткі выручкі.

«Як гэта ў нас звычайна бывае: нешта зразумелі на прыкладзе адных – і пайшлі кашмарыць усіх астатніх паводле шаблону. Хоць самі працаўнікі казіно думаюць, што на іх быў данос», – кажа наш суразмоўца.

Таксама пакрысе становіцца вядома пра ператрусы і арышты ў іншых арганізацыях, якія займаюцца азартнымі гульнямі. Агульная колькасць часова затрыманых можа дасягаць ста чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com