РасТВ паказала відэа расстрэлу акупанта сваімі калегамі
5- 5.07.2024, 16:18
- 12,420
![РасТВ паказала відэа расстрэлу акупанта сваімі калегамі](https://i.c97.org/ai/526410/aux-head-1669885257-20221130_army_rus_mobiki_360.jpg)
І паспрабавала выдаць іх за «ўкраінцаў».
Дзяржаўны тэлеканал «Расея 24» апублікаваў відэа расстрэлу расейскімі салдатамі свайго калегі і спрабаваў пераканаць гледачоў, што гэта байцы УСУ, піша «Дыялог».
«Стаўленне, здавалася б, да сваіх жа пабрацімаў як да кузурак-шкоднікаў. Вось гэтыя хлопцы, здаючы пазіцыі, бягуць куды вочы глядзяць. Побач з адным з УСУшнікаў прызямляецца дрон, выбух, рассейваецца дым, баявік курчыцца ад болю. Нават не разбіраючыся асабліва, у чым рэч, ягоны напарнік цынічна страляе яму ў галаву», – апісвала відэа расейская прапагандыстка.
У Z-каналах абураюцца наконт гэтага інцыдэнту. Яны абураныя тым, што расейскія СМІ без павагі ставяцца да сваіх вайскоўцаў.
«Скажыце мне, што рэпартаж фэйк! Малю! Якія ж ту**я і**ёты працуюць на ТВ! У самім відэа нашы! Не ха**ы!» – абураюцца Z-прапагандысты.