Падчас паўторнага ўдару па Кіеве расейцы патрапілі ў радзільню
9- 8.07.2024, 16:04
- 18,300
Ёсць загінулыя.
У Дняпроўскай раёне Кіева ў выніку ракетнай атакі 8 ліпеня пашкоджаны шматпавярховы будынак медцэнтра, піша nv.ua.
Паводле звестак украінскіх уладаў, будынак часткова разбураны. Прадаўжаецца разбор завалаў і пошук людзей.
Колькасць загінулых у Кіеве вырасла да 17 чалавек, колькасць загінулых падчас удару па радзільні – да 7.
Пра гэта паведамляе Офіс генеральнага пракурора Украіны.
«У Дняпроўскім раёне сталіцы пашкоджаны адмінбудынак медцэнтра [Дзмітрый Лубінец удакладняў, што гэта радзільня]. Вядома пра 7 загінулых і 3 траўмаваных […]», — гаворыцца ў паведамленні.
Раней было вядома пра чатырох загінулых.
У ДСНС дадалі, што гэта наступствы паўторнага ўдару па сталіцы. Зафіксаванае падзенне аскепкаў.
Кіраўнік ОП Андрэй Ярмак пацвердзіў інфармацыю пра паўторны ўдар. Амбудсмэн Дзмітрый Лубінец пазней удакладніў, што акупанты пашкодзілі радзільню.
У панядзелак, 8 ліпеня, Расея нанесла масаваныя ўдары па Кіеве, Дняпры, Крывым Рогу і іншых гарадах Украіны. Гэта адзін з найбуйнейшых і самых цяжкіх наступствамі нападаў па Украіне з пачатку года.