Зяленскі: Камандзіры павінны быць на перадавой з ваярамі

Галоўны камандзір УСУ знаходзіцца на перадавой і падае прыклад.

Галоўны камандзір Узброеных сілаў Украіны Аляксандр Сырскі знаходзіцца на перадавой разам з абаронцамі краіны ад Расеі, і гэтак сама павінны рабіць іншыя камандзіры. Пра гэта ў звароце паводле вынікаў 5 жніўня заявіў прэзідэнт Украіны Уладзімір Зяленскі, стэнаграму апублікавала ягоная прэс-служба.

«Сёння [быў] даклад галоўнага камандзіра Сырскага, ён цяпер непасрэдна на перадавой, у баявых брыгадах і на месцах, высвятляе канкрэтныя патрэбы нашых брыгадаў, канкрэтную сітуацыю на кожным кірунку. Вельмі важна, каб камандзіры ўсіх узроўняў – ад самага высокага – мелі прамы кантакт з перадавой, там былі непасрэдна – з ваярамі, якія выконваюць самыя складаныя задачы», – сказаў прэзідэнт.

Паводле ягоных словаў, «многае ўжо для гэтага зроблена».

Ён таксама падзякаваў «кожнаму камандзіру, які сапраўды са сваімі салдатамі».

«Сёння ж мы падрабязна прапрацавалі з прэм'ер-міністрам [Дзянісам] Шмыгалем парадак працы на гэты месяц. [...] Прэм'ер-міністр даклаў і датычна рэгіянальнай працы чыноўнікаў – гэта правільна, каб урад быў у абласцях і рэальна бачыў праблематыку, хутка і на месцах прымаў пастановы», – мяркуе Зяленскі.

Прэзідэнт, сярод іншага, згадаў пра падрыхтоўку да навучальнага года.

«Цяпер шмат пытанняў пра падрыхтоўку новага навучальнага года. Наш прыярытэт – максімальна дапамагчы школам ва ўсіх рэгіёнах, дзе бяспека гэта дазваляе, адчыніцца для дзяцей і працаваць афлайн. Урад цяпер рыхтуе некалькі тэхнічных ідэяў, якія дапамогуць менавіта гэтаму», – растлумачыў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com