У Менску пройдзе фестываль для аматараў сабак і катоў

Уваход бясплатны.

У найбліжэйшыя выходныя, 10–11 жніўня, у Менску пройдзе фестываль, куды з гадаванцамі не проста можна, але і трэба. Гасцям Pets Fest абяцаюць конкурсы, спаборніцтвы сярод сабак, лекторый, дзіцячую зону, фуд-корт, музычную праграму і фаер-шоу. Гадавальнікаў і іх гаспадароў забаўкі будуць чакаць у Lakeside Park на беразе Цнянскага вадасховішча з 12 да 23 гадзіны, паведамляе «Анлайнер».

Уваход на фестываль бясплатны. Адна з яго фішак – спорт-праграма: можна будзе ўбачыць спаборніцтвы ў скачках у вышыню, сап-серфінгу, фрысбі, аджыліці ды іншых прафесійных дысцыплінах. У праграме фэсту таксама заяўлены лекторый з ветэрынарамі і дыетолагамі, конкурсы і віктарыны.

Для тых, хто захоча правесці ў Lakeside Park цэлы дзень, арганізатары абяцаюць чыл-зону і фуд-корт з бельгійскай бульбай ад BulbaFrites, гарачымі рожкамі ад Unicorn, грыль-сэтамі чэшскай кухні ад «Шалёны кныр» і марозівам ад «Кэры Л.». Пачастункі для гадаванцаў таксама будуць – на пэт-маркеце.

Прыходзіць можна з дзецьмі любога ўзросту – для іх будзе працаваць дзіцячая зона Mamago з бясплатнымі забаўкамі.

Яшчэ на фестывалі можна будзе прайсці квэст са спецыяльнай мапай – за яе трэба заплаціць 10 рублёў, а потым атрымліваць на кожнай лакацыі гарантаваныя падарункі ад партнёраў мерапрыемства.

Увечары будуць выступаць Westa Band, Universal Band і гурт «Нестандартны варыянт». Фінальнай кропкай вечару запланаванае фаер-шоу ад «Крэсіва».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com