Беларускія ўніверсітэты не трапілі ў рэйтынг The World University Rankings 2026

Першыя месцы займаюць універсітэты ЗША і Вялікабрытаніі.

Беларускія ВНУ не трапілі у новы міжнародны рэйтынг The World University Rankings 2026, які штогод складае брытанскае выданне Times Higher Education.

Як і ў папярэднія гады, першыя месцы займаюць універсітэты ЗША і Вялікабрытаніі. Тройку лідараў складаюць Аксфардскі ўніверсітэт (Вялікабрытанія), Стэнфардскі ўніверсітэт (ЗША), Гарвардскі ўніверсітэт (ЗША).

У першую дзясятку ўваходзяць таксама Кембрыджскі ўніверсітэт (Вялікабрытанія), Масачусэцкі тэхналагічны інстытут (ЗША), Каліфарнійскі тэхналагічны інстытут (ЗША), Прынстанскі ўніверсітэт (ЗША), Імперскі каледж Лондана (Вялікабрытанія), Цюрыхскі федэральны тэхналагічны інстытут — ETH Zurich (Швейцарыя) і Чыкагскі ўніверсітэт (ЗША).

Найлепшыя паказчыкі сярод суседніх з Беларуссю краін — у Польшчы. Ягелонскі ўніверсітэт у Кракаве і Варшаўскі ўніверсітэт трапілі ў групу ВНУ з месцамі 401-500. Віленскі ўніверсітэт трапіў у групу 601-800, Латвійскі ўніверсітэт — у дыяпазон 1001-1200, а Кіеўскі політэхнічны інстытут імя Ігара Сікорскага — у групу 1201-1500.

Маскоўскі дзяржаўны ўніверсітэт імя Ламаносава апынуўся ў групе 251-300. Аднак у рэйтынгу да яго дададзена пазнака пра абмежаваны ўдзел з-за няпоўнай справаздачнасці і санкцый.

Раней у рэйтынг трапляў і Беларускі дзяржаўны ўніверсітэт. У 2016 годзе ён трапіў у групу 801-1000, у наступныя гады таксама не падымаўся вышэй за гэты дыяпазон. Аднак з 2022 года ўніверсітэт перастаў падаваць інфармацыю ў сістэму Times Higher Education Data Portal, таму яго часова выключылі з рэйтынгу.

Беларускія ВНУ можна знайсці ў іншым глабальным рэйтынгу — QS World University Rankings 2026. У ім БДУ займае 447-е месца, а БНТУ трапіў у групу 851-900.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com