У Польшчу ўварваліся паветраныя шары з Беларусі

Яны неслі вялікую партыю кантрабандных цыгарэт.

Польскія памежнікі канфіскавалі амаль 660 тысяч цыгарэт, перапраўленых з Беларусі з дапамогай метэазондаў. Па кантрабандны тавар прыехалі пяць чалавек, паведамляе Варміньска-Мазурскі атрад Памежнай службы Польшчы.

Аперацыю правялі 20 кастрычніка пасля атрымання інфармацыі пра падазроныя паветраныя шары, што ляцелі ў напрамку Варміі і Мазур.

Пакеты з цыгарэтамі выявілі ў чатырох паветах — Алэцкім, Элкскім, Гіжыцкім і Кентшынскім. У адным з выпадкаў памежнікі дзейнічалі сумесна з паліцэйскімі з Алэцка.

Усе канфіскаваныя цыгарэты былі з беларускімі акцызнымі маркамі. Кошт партыі ацанілі ў 680 тысяч злотых.

Чатырох літоўцаў і беларуса, якія прыехалі па тавар, затрымалі. У раённых пракуратурах Элка і Алэцка ім выставілі абвінавачанні ў здзяйсненні падатковых злачынстваў, а таксама ў парушэнні закона аб асаблівых мерах па супрацьдзеянні падтрымцы агрэсіі супраць Украіны і абароне нацыянальнай бяспекі.

Суд узяў усіх пяцярых пад варту. Паводле даных Памежнай службы, ім пагражае не менш за тры гады пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com