У Італіі знайшлі невядомы малюнак Манэ

Ён намаляваны чырвоным мелам.

Малюнак чырвоным мелам з дзіцём на кукішках з прыватнай калекцыі на поўначы Італіі прызналі ранняй працай Эдуара Манэ. Мастацтвазнавец Франчэска Бакканелі заўважыў старую атрыбуцыю на паспарту і паказаў здымак Эмілі Біні, куратарцы музея ў Сан-Францыска.

Паводле меркавання даследчыкаў, праца тыповая для эцюдаў Манэ 1850–1860-х гадоў, створаных пад уплывам Адраджэння. Поза нагадвае «Венеру на кукішках» з Уфіцы. Мадэллю мог быць падмайстар мастака Аляксандр, але Біні лічыць, што намаляваная дзяўчынка каля шасці гадоў.

Доказам стаў штамп «EM» у куце, бачны пры ўльтрафіялетавым святле. Верагодна, малюнак пасля смерці мужа прадала Сюзана Манэ; у 1930-х ён прайшоў праз аўкцыёны ў Германіі і Швейцарыі, а ў 1996-м трапіў да ўладальніка з Брэсіі. Аўтары спадзяюцца на ўключэнне працы ў каталог-рэзоне. «Першапачатковае прызначэнне малюнка застаецца такім жа загадкавым, як і яго ранняя гісторыя»,— пішуць яны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com