21 лiстапада 2026, Субота, 9:19
Падтрымайце
сайт
Сім сім,
Хартыя 97!
Рубрыкі

Пакуль Герасімаў дакладваў Путіну пра «кацёл», ЗСУ рыхтавалі «Мядзведжы капкан»

Пакуль Герасімаў дакладваў Путіну пра «кацёл», ЗСУ рыхтавалі «Мядзведжы капкан»

Падрабязнасці аперацыі, якая сарвала планы Крэмля ў Харкаўскай вобласці.

З'явіліся падрабязнасці буйной аперацыі ЗСУ ў Харкаўскай вобласці, якая атрымала назву «Мядзведжы капкан». Некалькі месяцаў яна праводзілася ва ўмовах строгай сакрэтнасці. Першыя дэталі аперацыі раскрыў 475-ы штурмавы полк ЗСУ CODE 9.2.

Улетку 2026 года Расія пачала наступ на Харкаўшчыне пад назвай «Мядзведжы кут». Планы ў агрэсара былі вельмі амбіцыйныя: падзяліць украінскія сілы, узяць іх у клешчы і знішчыць.

На пачатку восені Мінабароны РФ амаль штотыдзень паведамляла пра тое, што «кацёл» вакол каля 2 тыс. вайскоўцаў Украіны зачынены.

Пакуль камандуючы Генштабам РФ Валерый Герасімаў дакладваў дыктатару Уладзіміру Путіну пра поспехі гэтай аперацыі, CODE 9.2 пачаў супрацьдзеянне ў рэжыме поўнай інфармацыйнай цішыні і сакрэтнасці. Супрацьаперацыя была названа «Мядзведжым капканам».

Пачалося ўсё з таго, што напрыканцы чэрвеня войскам РФ удалося прабіць мяжу ў раёне вёскі Артэльне і наблізіцца да Прыколотнага. Агрэсар фармаваў дзве клешчы, якія павінны былі замкнуць каля 500 кв. км Харкаўшчыны.

Сітуацыя стала пагрозлівай, і Галоўнакамандуючы ЗСУ прыняў рашэнне перакінуць на гэты ўчастак падраздзяленні CODE 9.2 і 109-га разведвальнага палка. Іх задачай было адсекчы правую клешчу Узброеных сіл РФ.

Задачу ўдалося выканаць за тры тыдні. У выніку дзякуючы аперацыі «Мядзведжы капкан» ЗСУ вызвалілі каля 200 кв. км тэрыторый і 14 населеных пунктаў.

«Аперацыя яшчэ не завершаная, але сітуацыя ўжо поўнасцю стабілізаваная. Пагроза, што нешта пойдзе не так, практычна адсутнічае», — распавёў камандзір CODE 9.2 Аляксандр «Флінт» Настэнка.

Напісаць каментар

Таксама сачыце за акаўнтамі Charter97.org у сацыяльных сетках

▲