Юрый Фельштынскі: Звяржэнне Лукашэнкі — пытанне гадзін ці дзён

З вызвалення Беларусі пачнецца параза Расіі.

Ці можа Беларусь атрымаць шанец на хуткі гістарычны рывок да свабоды ў выпадку паразы Расіі або вострага крызісу ў Маскве? Пра гэта вядомы амерыканскі гісторык і публіцыст Юрый Фельштынскі распавёў у інтэрв’ю YouTube-каналу «Радыё Рацыя».

Паводле слоў гісторыка, Расія так і не змагла пусціць глыбокія карані ў Беларусі:

— Мая апошняя кніга прысвечаная Беларусі. Яна выйшла на некалькіх мовах, і вось літаральна сёння выйшла па-англійску. Яна называецца «Беларусь Наталлі Радзінай: журналістка супраць дыктатара».

Змена рэжыму ў Беларусі, у выпадку вайсковага ўварвання ў Беларусь, — гэта пытанне двух тыдняў. Проста пытанне двух тыдняў. Расія, несумненна, выкарыстоўвае Беларусь як плацдарм і плануе выкарыстоўваць яе як плацдарм. Лукашэнка, без сумневу, залежны палітык. У Беларусі класічная дыктатура, у адрозненне ад Расіі. У РФ кіруе карпарацыя чэкістаў. Гэта зусім іншая сістэма кіравання. А ў Беларусі мы гаворым пра класічную дыктатуру.

Звяржэнне Лукашэнкі — гэта сапраўды пытанне гадзін ці дзён. Насамрэч Расія не змагла і не зможа пустіць карані ў Беларусі. З другога боку, Еўропа не можа быць у бяспецы, пакуль Беларуссю кіруе прарасійскі дыктатар. Дастаткова паглядзець на карту, каб зразумець: Беларусь заўсёды будзе плацдармам для расійскага ўварвання ў Еўропу.

Калі Расія губляе Беларусь, яна насамрэч прайграе вайну супраць Украіны. Гэта вельмі важны момант, бо сёння, магчыма, не ўсе так глядзяць на Беларусь і яе значэнне.

Падкрэсліваю: калі Расія губляе Беларусь як плацдарм для пагроз Еўропе або як плацдарм для ўварвання сухапутнай арміі ў Еўропу, Расія прайграе вайну ва Украіне. Бо вайна ва Украіне ў 2022 годзе была запланаваная як бліцкрыг для далейшага прасоўвання ў Еўропу. Наступнай краінай павінна была стаць Малдова, а далей Расія ўжо планавала рушыць у Еўропу, зноў выкарыстоўваючы Беларусь як плацдарм для ўварвання.

Калі Расія губляе Беларусь, калі Беларусь становіцца дэмакратычнай, калі ўступае ў Еўрасаюз, а затым яшчэ і ў НАТА, то насамрэч Расія прайграе бітву за Еўропу. Яна застаецца ў ізаляцыі. Але гэта тое, куды загнаў Расію Пуцін. Пакідае сваім саюзнікам Кітай — але гэта зноў жа тое, куды загнаў Расію Пуцін. Для Еўропы Расія ўжо не зможа прадстаўляць былой небяспекі. Але для гэтага трэба зрынуць Лукашэнку ў Беларусі. У адрозненне ад зрынання Пуціна ў Расіі, гэта даволі хуткі праект.

Ва Украіне, і гэта не сакрэт, ваюе даволі шмат беларусаў на ўкраінскім баку, у складзе ЗСУ. Калі будзе прынята палітычнае рашэнне аб змене рэжыму ў Беларусі, то фармаванне беларускіх вызваленчых частак з ліку беларусаў, што ваююць у ЗСУ, — пытанне вельмі кароткага часу. Самі беларусы ўзнімалі гэтае пытанне, пачынаючы з 2022 года.

Насамрэч менавіта з Беларусі па сэнсе павінен пачацца ланцуг, які пасля будзе названы паразай Расіі ў гэтай вайне. Такія прэцэдэнты ўжо былі. Вызваленне Германіі ад нацызму пачалося не з высадкі саюзнікаў у Германіі. Бітвы за Германію былі апошнімі ў гэтым ланцугу. Спачатку былі вызвалены ўсе акупаваныя тэрыторыі.

Так што пачатак гэтай бітвы з вызвалення Беларусі ад расійскай акупацыі — таксама рэч даволі відавочная.

Набыць кнігу «Беларусь Наталлі Радзінай» можна:

Беларускае выданне — платформа выдавецтва «Янушкевіч» «Кнігаўка» і ў Варшаве ў кнігарні «Кнігаўка» па адрасе ul. Kłopotowskiego 4, 03-717.

Рускае выданне — сайт выдавецтва Amazon.

Украінскае выданне — Yakaboo.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com