Ляўшуноў дапамог «Чыкага» абгуляць «Сент-Луіс»

Беларускі абаронца адзначыўся эфектным асістам у матчы НХЛ.

Хакейны клуб «Чыкага» на сваёй арэне абгуляў «Сент-Луіс» з лікам 4:2. Пры другім голе гаспадароў асіст зрабіў беларускі абаронца Арцём Ляўшуноў, піша Onlíner.

«Сент-Луіс» першым выйшаў уперад і пасля першага перыяду вёў з лікам 1:0. Другі перыяд застаўся за «Чыкага»: «індзейцы» спачатку зраўнялі лік, а потым забілі яшчэ адну шайбу — ужо пры ўдзеле 20-гадовага беларуса. На відэа сачым за 55-м нумарам, які літаральна сам прарэзаў абарону суперніка і аддаў ключавы пас.

Акрамя таго, Ляўшуноў правёў на лёдзе аж 18 хвілін, выканаў адзін кідок у створ варот, здзейсніў адзін перахоп і скончыў матч з карыснасцю «+1». Пры гэтым Арцём выходзіў у першым звяне.

Калі браць увесь старт сезону, то ні ў адным матчы беларус не праводзіў на лёдзе менш за 17 хвілін 53 секунды. Праўда, пакуль гэта не надта дапамагае «Чыкага»: каманда займае 14-е месца з 16 у сваёй канферэнцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com