NYT: Наступ РФ ва Украіне рэзка запаволіўся

Верасень стаў найгоршым для акупантаў за тры гады.

Расійскі дыктатар Уладзімір Пуцін неаднаразова заяўляў, што акупанты нібыта хутка захопяць увесь Данбас. Аднак апошнія тэндэнцыі на полі бою малююць зусім іншую карціну, піша The New York Times.

Украінскі супрацьнаступ у паўночнай частцы Данбаса, які цягнецца ўжо некалькі месяцаў, сарваў спробы Расіі акружыць гарады, што засталіся пад кантролем Украіны, у гэтым рэгіёне. Заходнія аналітыкі лічаць, што акупанты страцілі дзесяткі квадратных кіламетраў тэрыторыі падчас украінскай «Аперацыі Вівальдзі».

У той жа час у паўднёвай частцы Данбаса Расія працягвае наносіць лютыя ўдары, імкнучыся прарваць украінскія лініі абароны. Аднак украінскія войскі рэарганізавалі абарону ў гэтым раёне і пакуль не даюць расіянам прасунуцца далей у іхніх спробах акружыць буйныя гарады Данбаса.

У выданні падкрэслілі, што тэмпы прасоўвання расійскіх войскаў па ўсёй лініі фронту ў 2026 годзе прыкметна запаволіліся ў параўнанні з і без таго надзвычай маруднымі тэмпамі мінулага года. Паводле звестак фінскай даследчай кампаніі Black Bird Group, верасень 2026 года стаў для РФ найгоршым месяцам з чэрвеня 2023 года з пункту гледжання чыстага тэрытарыяльнага прыросту на тэрыторыі Украіны.

Заходнія аналітыкі прыводзяць розныя лічбы, але ўсе яны ў цэлым сыходзяцца ў меркаванні, што сёлета Расія заняла толькі крыху больш тэрыторыі, чым страціла. Журналісты адзначылі, што гэта рэзка кантрастуе з версіяй, вылучанай Мінабароны РФ, пра тое, што расійская армія нібыта захапіла больш за 5000 квадратных кіламетраў тэрыторыі.

Больш за тое, у выданні дадалі, што нават ультранацыяналістычныя расійскія «ваенкары» сумняваюцца, што РФ удасца акружыць так званыя «крэпасныя гарады» Данбаса.

У выданні нагадалі, што раней Пуцін заяўляў, што поўны кантроль Расіі над Данбасам, дасягнуты або сілай, або коштам саступак з боку Украіны, з’яўляецца адной з умоваў РФ для спынення вайны. Украіна ж не збіраецца адмаўляцца ад сваіх тэрыторый.

Паколькі мэты Расіі на Данбасе па-ранейшаму не дасягнутыя, Масква ўзмацніла паветраныя ўдары па ўкраінскіх гарадах. Украінскія чыноўнікі раней паведамілі, што толькі ў выніку ўдараў па некалькіх гарадах у ноч на 7 кастрычніка загінулі прынамсі 20 чалавек. Яны назвалі расійскія бамбардзіроўкі тэрарыстычнай кампаніяй, накіраванай на тое, каб зламаць волю краіны да супраціву.

У пачатку 2026 года расійскія войскі захапілі Пакроўск, а ў наступныя месяцы яны працягвалі павольна прасоўвацца на поўнач. Аднак, як адзначылі ў выданні, украінскія салдаты і ваенныя аналітыкі лічаць, што Сілы абароны ўрэшце стабілізавалі абарону, не даўшы Расіі дасягнуць сваіх стратэгічных мэтаў.

Украінскія камандзіры заявілі журналістам, што РФ поўная рашучасці аднавіць наступальны імпульс і штодня кідае ў атаку сотні салдат. У прыватнасці, камандзір у Першым корпусе «Азоў» падпалкоўнік Кірыл Дуброўскі заявіў, што ўкараненне лічбавай сістэмы сітуацыйнай дасведчанасці і кіравання боем «Дэльта» адыграла вырашальную ролю ў стрымліванні расійскага наступу.

У выданні дадалі, што прасоўванне расійскіх войскаў у значнай ступені залежыць ад тактыкі пранікнення. Асобныя групы войскаў перасякаюць так званую «кіл-зону», а затым, апынуўшыся за ўкраінскімі ўмацаваннямі, яны збіраюцца, вычакаюць і наносяць удар.

Старшы аналітык Інстытута вывучэння вайны (ISW) Джордж Барос у размове з журналістамі адзначыў, што расіяне амаль вычарпалі гэтую тактыку з-за пашырэння «кіл-зоны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com