Адзін з самых узрушальных убораў у гісторыі кіно выставілі на продаж

З-пад малатка пойдзе сукенка з фільма Джо Райта «Спакута».

Убор, які ў СМІ называюць адным з самых узрушальных у гісторыі кіно, выставілі на аўкцыён Christie's. Пра гэта паведамляе 20 Minutos.

Як распавяла Таіс Хітчынс, кіраўніца аддзела продажаў у лонданскім аддзяленні Christie's, з-пад малатка пойдзе сукенка з фільма Джо Райта «Спакута» (2007), якую ў ключавой эратычнай сцэне стужкі насіла Кіра Найтлі. Выраб паступіць у продаж 9 снежня, яго ацэначны кошт перавысіць £100 тысяч.

Смарагдава-зялёную сукенку-камбінацыю спецыяльна для фільма стварыла брытанская мастачка па касцюмах Жаклін Дурран, уладальніца чатырох прэмій BAFTA і двух прэмій «Оскар» за працу над фільмамі «Ганна Карэніна» і «Маленькія жанчыны». Працуючы над эфектным вобразам, яна чэрпала натхненне з кніг 1920-х і 1930-х гадоў, перыяду, у якім разгортваюцца падзеі фільма.

Хітчынс апісвае вынік як «сімвал жадання, страсці і душиразрыўнай рамантыкі». Пасля выхаду фільма сукенку вынялі з архіваў здымачнай групы і прадалі на дабрачынным аўкцыёне ў 2008 годзе. З таго часу яна захоўвалася ў прыватнай амерыканскай калекцыі.

Прадстаўнікі аўкцыённага дома чакаюць, што ўбор стане жаданай пакупкай для калекцыянераў і людзей, захопленых гісторыяй кіно і касцюма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com