Зяленскі адказаў, ці змог бы ён дараваць Пуціну за вайну супраць Украіны

Прэзідэнт Украіны даў адназначны адказ.

Расіяне павінны панесці адказнасць за тое, што наўтварылі ва Украіне, упэўнены прэзідэнт Украіны Уладзімір Зяленскі. Пра гэта ён сказаў на прэс-канферэнцыі ў Даніі 10 лістапада, перадае «Гордон».

Журналіст хрысціянскага выдання Christian Daily спытаў у Зяленскага, ці змог бы ён у дзень Страшнага суда дараваць дыктатара РФ Уладзіміра Пуціна.

«Не, вядома», — адказаў Зяленскі.

Тады журналіст удакладніў: «як наконт прымірэння паміж украінцамі і расіянамі» і як Зяленскі бачыць гэты працэс.

«Ведаеце, тут гаворка не пра прабачэнне — ды і не ўпэўнены, што яно ім наогул патрэбнае. Яны не могуць усвядоміць, што з’яўляюцца агрэсарамі. Разумееце, гэта ж не якія-небудзь абстрактныя рэчы... Яны забілі — і гэта не абстракцыя, а цалкам канкрэтная колькасць людзей у зусім канкрэтных гарадах. І спрычынілі мноства пакут у вельмі канкрэтных жыццях. Дык што, калі кажуць пра „прабачэнне“... Хто я такі? Я ўсяго толькі чалавек, а не Бог», — адказаў прэзідэнт Украіны.

Ён падкрэсліў, што павінен быць пераслед вінаватых, забойцы павінны быць знойдзеныя і адказаць за ўчыненае.

«Так, зразумела, адказы могуць быць рознымі; гэта справа судоў, правасуддзя і гісторыі. Бо я не ўпэўнены, што вінаватыя панясуць адказнасць у той момант, калі вайна скончыцца, — а я не ведаю, калі менавіта яна скончыцца, але гэта абавязкова адбудзецца», — сказаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com