«Адміністрацыя ў шоку, людзі на нервах»

Гледачы канцэрта Дзімы Білана ў Мінску паскардзіліся на «цуды» з месцамі.

13 лістапада ў «Мінск-Арэне» адбыўся канцэрт расійскага выканаўцы Дзімы Білана. Па невядомай прычыне на некаторыя месцы прыйшло больш людзей, чым магло ўмясціцца. Гледачы, якія сутыкнуліся з праблемай, падзяліліся сваімі гісторыямі ў Threads, піша «Зеркало».

Карыстальніца Юлія распавяла, што ў жніўні набыла тры квіткі на лістападаўскі канцэрт.

«Прыходзім на «Мінск-Арэну» — на нашых месцах сядзяць дзяўчаты з такімі ж квіткамі, але набытымі ў касе арэны з чэкам, — падзялілася яна. — Пайшлі разбірацца, і высветлілася, што нас такіх сабралася больш за дзесяць чалавек! У нас папрасілі чэк, падазраючы пакупку ў перакупшчыкаў, але мы бралі самі на сайце. У выніку на ўсе разборкі пайшла цэлая гадзіна. Добра, што прыйшлі загадзя!»

Яна падзякавала супрацоўнікам «Мінск-Арэны», якія дапамаглі знайсці іншыя месцы. А да квітковага аператара «Тікетпро», паводле яе слоў, засталіся «вялізныя пытанні».

Карыстальніца Threads з нікам imbgch распавяла, што месцы «задвоіліся» ў гледачоў на радах 15–17 сектара K на трыбуне B.

«Адміністрацыя ў шоку, людзі на нервах, у тым ліку і мы. На шчасце, аказаліся вольныя месцы, і ўсіх, хто прыйшоў пазней, рассадзілі, але былі людзі, якія прынцыпова ішлі на канфлікт. Чакайце горы абурэння», — напісала яна.

«Я купляў два квіткі з месцамі побач, у выніку аказалася — месцы праз адно. На радзе ніжэй — аналагічная сітуацыя», — дадаў Павел.

Карыстальнікі ў каментарыях падзяліліся і іншымі выпадкамі накладак з продажам квіткоў.

«Неяк была на канцэрце Фадзеева ў «Мінск-Арэне» — таксама назірала карціну: прыйшлі людзі садзіцца, а там ужо сядзяць. У выніку падыходзілі да супрацоўнікаў арэны, яны ўважліва разглядалі квіткі, а потым нешта там па рацыі размаўлялі. І пасадзілі людзей у іншым месцы», — успомніла Вераніка.

Прадстаўнікі квітковага аператара пакуль не пракаментавалі публікацыі незадаволеных гледачоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com