Масква заплаціць Захаду «цацкамі» Лукашэнкі

Іншых «аргументаў» на перамовах няма.

Тэлеграм-канал «Письма к дочери» напісаў пра «мірныя» прапановы Пуціна і пытанне, якое можа ўзнікнуць у партнёраў:

— Тут розныя нядобрыя людзі напісалі падрабязнасці пра тое, чаго Пуцін хоча, каб калектыўны Захад зрабіў для ягонай бяспекі. Па-першае, вядома, аддаць Расіі тое, чаго ў яе ніколі не было. То-бок Данбас і ўсе пядзі расійскай зямлі, якія яна сабе запісала. Але гэта толькі для пачатку. Чыста каб падтрымаць размову.

А пасля гэтага НАТА павінна адкаціцца да межаў 1997 года. Ці, мінімум, вывесці з НАТА Фінляндыю і ўсе краіны Балтыі. Украіну Пуцін прапануе пакінуць з ім сам-насам, а Малдову ператварыць у федэратыўную рэспубліку. А ўзамен ён не супраць будзе падумаць пра мір ва ўсім свеце.

Прыблізна такі ж ультыматум Пуцін выстаўляў калектыўнаму Захаду ў 2021 годзе. Галоўнае адрозненне ў тым, што ў 2021 годзе Пуцін прапаноўваў прыняць гэты ультыматум без абмеркавання, а цяпер нічога, гатовы, у прынцыпе, абмеркаваць.

Праўда, не з кім папала, а з тымі, каго ён сам сабе выбера. Скажам, з Еўропай абмяркоўваць бяспеку Еўропы Пуцін не хоча. Бо яму гэта непрыемна. А з Трампам абмеркаваць бяспеку Еўропы ён, у прынцыпе, не супраць.

І ў мяне, ведаеш, ёсць толькі адно пытанне: што яны там такое моцнае кураць? Ну добра, Пуцін рознае прапаноўваў у 2021 годзе. У 2021 годзе Еўропа сядзела на расійскім газе, а Пуцін думаў, што ў яго другая па сіле армія ў свеце. Цяпер высветлілася, што ў яго другая па сіле армія ва Украіне, а «Газпром» прадае свой газ Кітаю за тры капейкі, бо дзяваць гэты газ яму ўсё роўна няма куды.

І замест таго, каб мерзнуць усёй Еўропе, дзесьці ў адзіноце і ўсімі забыты мярзне адзін маленькі Крым.

У 2021 годзе ў Расіі быў такі нафтавы дабрабыт, што дай божа кожнаму. А цяпер ад гэтага нафтавага дабрабыту засталася, дай божа, калі палова. У 2021 годзе Пуцін назапасіў рэзерваў на некалькі гадоў бязбеднай вайны. Але за некалькі гадоў вайны ад гэтых рэзерваў засталіся адны слёзы.

У 2021 годзе ў Пуціна былі яго сатэліты, якія баяліся лішні раз піскнуць супраць Пуціна. А цяпер ужо армянскі Пашынян пасылае Пуціна куды падалей разам з яго калектыўнай бяспекай, а Пуцін потым яшчэ ўдакладняе, ці правільна ён зразумеў, куды канкрэтна яму прапануюць пайсці.

І адзінае, што цяпер Пуцін можа прапанаваць калектыўнаму Захаду ўзамен, — гэта адабраць цацкі ў свайго малодшанькага саюзніка. У сэнсе вывезці з Беларусі ядзерную бомбу. Якая, не факт, што наогул ёсць. А больш Пуціну прапанаваць калектыўнаму Захаду няма чаго.

Не, я, вядома, дапускаю, што Пуцін усё гэта выстаўляе проста каб было пра што пагаварыць. Ці ён думае, што дзядок Трамп за яго ўсё парэшае. Але дзядок Трамп нічога за яго парэшаць не мог, нават калі ён яшчэ не ахрамаў. А цяпер у дзядка Трампа на тое, каб нешта парэшаць, засталося два месяцы.

А калі ты хочаш чыста пагаварыць, дык трэба ўсё ж такі ставіць перад сабой рэальныя мэты. Бо несупадзенне прэтэнзій і магчымасцей выклікае паміж імі непажаданы дыпламатычны дысананс. Я маю на ўвазе, што ў партнёраў могуць узнікнуць пэўныя няёмкія пытанні. Тыпу: «Ты, …ць, наогул нармальны?»

Хоць, мне падаецца, гэтае пытанне ўжо даўно чыста рытарычнае.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com