Фотафакт: Васіль Быкаў і Снуп Дог у цэнтры Віцебска

Нечаканае адкрыццё.

Жыхарка Віцебска знайшла графіці з выявай партрэта Васіля Быкава у двары аднаго з дамоў у цэнтры горада. Фота яна апублікавала ў сацсетцы Threads.

«Знайшла Васіля Быкава! А побач яшчэ і дзядзька Снуп тусуецца, — піша жыхарка абласнога цэнтра. — Крута, што гэта ўсё яшчэ тут».

Васіль Быкаў нарадзіўся 19 чэрвеня 1924 года ў вёсцы Бычкі Ушацкага раёна Віцебскай вобласці. Пісьменнік стаяў ля вытокаў стварэння Беларускага Народнага Фронту. У сярэдзіне 1990-х гадоў пачаліся напады на яго з боку беларускіх уладаў, што прымусіла пісьменніка на доўгі час з’ехаць за мяжу. Пісьменнік, якога называлі «сумленнем нацыі», рэзка выступаў супраць узмацнення аўтарытарызму ў краіне.

У снежні 2002 года Васіль Быкаў пераехаў на пастаяннае жыхарства ў Чэхію. Тады пісьменнік сказаў, што ён «даўно марыў пасяліцца ў Чэхіі, заўсёды сімпатызаваў гэтай краіне і яе грамадзянам». У вырашэнні пытання пераезду Быкава ў Чэхію актыўны ўдзел прымала канцылярыя чэшскага прэзідэнта і асабіста Вацлаў Гавэл. Некалькі апошніх гадоў народны пісьменнік Беларусі пражываў у Германіі, а да гэтага — у Фінляндыі.

Васіль Быкаў вярнуўся на Радзіму толькі ў 2003 годзе, за месяц да смерці. Народны пісьменнік Беларусі памёр 22 чэрвеня 2003 года а 20 гадзіне 30 хвілін у рэанімацыйным аддзяленні анкалагічнай бальніцы ў Бараўлянах, пад Мінскам. Улады помсцяць Быкаву і пасля смерці. Кнігі Васіля Быкава ў Беларусі не перавыдаюцца, фільмы пра яго жыццё і творчасць — забаронены.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com