«Буданаў ледзь стрымліваў гнеў»

Украіна жорстка адрэагавала на прапановы ЗША.

Прадстаўнікі прэзідэнта ЗША Дональда Трампа Стыў Уіткаф і Джарэд Кушнер прапанавалі аднавіць пастаўкі расійскай нафты і газу ў Еўропу праз Украіну ў межах пасляваеннага эканамічнага супрацоўніцтва. Прапановы амерыканцаў сутыкнуліся з жорсткай рэакцыяй Украіны. Пра гэта піша французская газета Le Monde.

Сустрэча адбылася 9 кастрычніка ў гольф-клубе Шэл-Бэй у Галандэйл-Біч. Уіткаф і Кушнер абмяркоўвалі там не толькі мірныя перамовы, але і перспектывы маштабнага эканамічнага супрацоўніцтва пасля заканчэння вайны.

Паводле звестак выдання, Уіткаф прадставіў ідэю рэгіянальнага плана дабрабыту для Украіны, Еўропы і Расіі. Адным з яго элементаў павінна было стаць аднаўленне паўнавартаснай працы трубаправодаў, па якіх расійская нафта і газ ішлі ў Еўропу праз украінскую тэрыторыю. Паводле слоў амерыканскага прадстаўніка, такая схема прынесла б Украіне транзітныя даходы, а еўрапейскім спажыўцам дапамагла б знізіць выдаткі на энерганосьбіты.

Прапанову выклікала рэзкую рэакцыю кіраўніка Офіса прэзідэнта Украіны Кірыла Буданава. Як піша Le Monde, ён быў абураны: на яго думку, гэта фактычна паставіла б Кіеў у залежнасць ад Масквы. Выданне адзначае, што Буданаў «ледзь стрымліваў гнеў». «Наша мадэль — не Беларусь, а Польшча!» — адказаў ён амерыканцам.

Сустрэчу перарвалі. Буданаў патэлефанаваў прэзідэнту Украіны Уладзіміру Зяленскаму, які, як апісвае выданне, параіў яму не дэманстраваць эмоцый. Пазней перамовы аднавіліся, але гаворка ўжо ішла пра іншыя дамоўленасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com