Стала вядома, якія дзеці маюць больш шанцаў вырасці паспяховымі
2- 25.04.2026, 13:09
- 3,050
Вынікі даследаванняў здзівілі.
Існуе меркаванне, што дзяцінства, поўнае пазбаўленняў і канфліктаў, прыводзіць да псіхалагічных траўмаў. Нібыта школьнікі, якія рана навучыліся супрацьстаяць пастаяннаму стрэсу, маюць менш шанцаў на шчаслівую будучыню, піша «Нож».
Кітайскія даследчыкі паставілі пад сумнеў справядлівасць гэтага сцвярджэння. Яны вырашылі праверыць, ці заўсёды сэрдзітыя дзеці, прывыклыя вырашаць праблемы, вырастаюць менш паспяховымі.
Каманда прааналізавала даныя даследавання «Будучыня сем’яў і дабрабыт дзяцей», праведзенага ў ЗША. У ім узялі ўдзел 4898 юных амерыканцаў з 20 гарадоў. Усе добраахвотнікі нарадзіліся ў 1998–2000 гадах; за імі назіралі цягам 15 гадоў.
Навукоўцы з'ясоввалі, як характар дзіцяці з той ці іншай сям’і спрыяў або перашкаджаў яго здольнасці спраўляцца з цяжкасцямі ў раннім узросце. Пад негатыўнымі эмоцыямі ў даследаванні мелася на ўвазе схільнасць дзіцяці да раздражлівасці, мітуслівасці, трывожнасці або гневу.
Вынікі здзівілі аўтараў працы. З аднаго боку, раннія цяжкасці прыводзілі да ўзнікнення ў дзяцей і падлеткаў праблем з эмацыйнай самарэгуляцыяй. З іншага боку, многія са школьнікаў, якія з ранняга дзяцінства мелі цяжкі характар, лепш за іншых навучыліся спраўляцца са стрэсам і дасягнулі поспехаў у вучобе ў падлеткавым узросце.
Пры гэтым, калі верыць навукоўцам, успыльчывы характар не прыносіў такой жа карысці дзецям з дабрабытных сем’яў. Верагодна, для іх успыльчывы нораў не становіцца аналагічнай крыніцай жыццяздольнасці.
Іншае актуальнае даследаванне паказала, чым дзеці, якім цяжка даецца матэматыка, адрозніваюцца ад астатніх аднагодкаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
