Зяленскі назваў, на што пойдуць €90 мільярдаў ад ЕС

Украіна вызначыла галоўныя прыярытэты.

Прэзідэнт Украіны Уладзімір Зяленскі распавёў, на што будуць выдаткаваныя сродкі з 90-мільярднага крэдыту, які Украіна чакае ад Еўрасаюза.

Паводле заявы украінскага прэзідэнта, першы транш у межах еўрапейскага пакета падтрымкі на 90 мільярдаў еўра будзе накіраваны найперш на ўмацаванне абараназдольнасці краіны і развіццё ўласнай ваеннай вытворчасці.

Паводле яго слоў, ключавы прыярытэт — інвестыцыі ў сучасныя тэхналогіі і ўзбраенне:

«Першы транш у межах пакета на 90 мільярдаў еўра мы будзем накіроўваць на ўнутраную вытворчасць для абароны Украіны. Гэта дроны і ўвесь накірунак miltech», — адзначыў Зяленскі.

Другім важным напрамкам ён назваў энергетыку — украінскія ўлады плануюць накіраваць частку сродкаў на абарону інфраструктуры перад наступнай зімой.

«Да наступнай зімы трэба максімальна абараніць усё, што зможам. Фінансаванне будзе ажыццяўляцца, у тым ліку, за кошт гэтых траншаў з пакета на 90 мільярдаў. Мы разлічваем выдзеліць некалькі мільярдаў менавіта на абарону энергетыкі», — падкрэсліў прэзідэнт.

Акрамя таго, Зяленскі паведаміў пра дамоўленасці з краінамі Блізкага Усходу і Каўказа, якія павінны забяспечыць Украіне стабільныя пастаўкі дызельнага паліва, бо Украіна спажывае яго значна больш, чым іншыя краіны. І галоўнай прычынай украінскі прэзідэнт назваў менавіта вайну.

Гэтыя заявы прагучалі на фоне зацвярджэння Еўрасаюзам крэдыту на 90 мільярдаў, якое адбылося 23 красавіка. Раней паведамлялася, што пасля аднаўлення паставак нафты па нафтаправодзе «Дружба» Венгрыя і Славакія не будуць блакаваць фінансавую падтрымку. У выніку пакет фінансавай дапамогі, які доўгі час блакаваўся гэтымі краінамі, быў зацверджаны разам з 20-м пакетам санкцый супраць Расіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com