Еўропа стала галоўным рухавіком росту ваенных выдаткаў у свеце

Рэкарднае павелічэнне за год.

Асноўным фактарам глабальнага росту ваенных выдаткаў у 2025 годзе стала павелічэнне выдаткаў у Еўропе на 14% — да 864 млрд долараў.

Як піша «Еўрапейская праўда», пра гэта сведчаць даныя Стакгольмскага міжнароднага інстытута даследаванняў праблемаў міру (SIPRI).

Паводле SIPRI, у 2025 годзе 29 еўрапейскіх чальцоў НАТА патрацілі ў сукупнасці $559 млрд долараў, прычым у 22 з іх ваенныя выдаткі склалі не менш за 2% ВУП. Больш за ўсё сродкаў на абарону ў гэтай групе патраціла Германія: яе выдаткі выраслі на 24% у параўнанні з папярэднім годам і склалі $114 млрд.

Ваенныя выдаткі Германіі ўпершыню з 1990 года перавысілі парог у 2%, дасягнуўшы 2,3% ВУП у 2025 годзе.

Ваенныя выдаткі Іспаніі павялічыліся на 50% — да $40,2 млрд, што таксама прывяло да перавышэння ваеннай нагрузкі больш як 2% ВУП упершыню з 1994 года.

Украіна, якая ў 2025 годзе заняла сёмае месца паводле аб’ёму ваенных выдаткаў, павялічыла іх на 20% — да $84,1 млрд, што складае 40% ВУП.

У перыяд з 2024 па 2025 год ваенныя выдаткі Вялікабрытаніі скараціліся на 2% і склалі $89 млрд. У той жа час ваенныя выдаткі Францыі павялічыліся на 1,5% і склалі $68 млрд.

«У 2025 годзе ваенныя выдаткі еўрапейскіх чальцоў НАТА раслі хутчэй, чым калі-небудзь з 1953 года, што адлюстроўвае сталае імкненне Еўропы да самадастатковасці разам з узмацненнем ціску з боку Злучаных Штатаў адносна ўзмацнення размеркавання нагрузкі ў межах Альянсу», — адзначыла Джэйд Гіберта Рыкард, даследчыца Праграмы ваенных выдаткаў і вытворчасці ўзбраенняў SIPRI.

«Паколькі дзяржавы імкнуцца дасягнуць новых мэт НАТА па выдатках, узгодненых на 2025 год, існуе рызыка, што межы паміж ваеннымі і іншымі «звязанымі з абаронай і бяспекай» выдаткамі стануць размытымі, што знізіць празрыстасць і яшчэ больш ускладніць ацэнку ваеннага патэнцыялу», — дадала даследчыца.

Паводле SIPRI, сусветныя выдаткі на ўзбраенне працягваюць расці 11 гадоў запар, прычым ЗША, Кітай і Расія выдзяляюць больш за ўсіх сярод краін свету. У 2025 годзе сусветныя ваенныя выдаткі выраслі на 2,9% — да 2,89 трлн долараў.

Таксама даныя SIPRI сведчаць, што Германія значна павялічыла экспарт узбраенняў, апярэдзіўшы Кітай і заняўшы чацвёртае месца ў свеце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com