Ветэрынар з-пад Віцебска: У мяне псіхіка ледзь не зрушылася за месяц працы

Выпускніка Лужасненскага каледжа накіравалі на адпрацоўку ў калгас, але ён збег ужо праз месяц.

Стас Гоголко, ветэрынар па адукацыі, расказаў у TikTok, пра тое, як сутыкнуўся з жорсткай рэальнасцю: нястача лекаў, адказнасць галоўнага ветэрынарнага ўрача і патрэба самастойна вывозіць падохлую жывёлу.

«Я беларус, і ў мяне ёсць 10 гадоў, каб знайсці новае грамадзянства, — кажа ён. — Бо калі я вярнуся ў Беларусь, мяне пасадзяць. Я ўжо чатыры гады жыву за мяжой, у Грузіі.

Як так атрымалася? Усё дзякуючы бясплатнай адукацыі ў Рэспубліцы Беларусь. Ну як бясплатнай? Насамрэч пасля навучання ты становішся іхнім рабом.

Я скончыў Каледж ветэрынарнай медыцыны. Апошні курс праходзіў практыку ў ветэрынарных клініках, быў нават асістэнтам хірурга. Але ў выніку пасля навучання мяне размеркавалі ў калгас і зрабілі галоўным ветэрынарам. Што на самой справе? Прэпаратаў няма, працаўнікоў няма, нікога няма. Мёртвых кароў я вывозіў трактарам за горад і ў яму скідаў. У мяне псіхіка ледзь не зрушылася за месяц працы. Тады я вельмі шмат піў.

У выніку я купіў білет у Грузію, і ўсё — з таго моманту я жыву ў Грузіі.

Нядаўна я ездзіў у Беларусь, бо ў мяне заканчваўся пашпарт. Пры атрыманні пашпарта ў пашпартным стале мяне затрымліваюць, «ламаюць» і вязуць у аддзяленне. У аддзяленні следчы спытаў: ты ў курсе, што ты вінны дзяржаве грошы? Я кажу: не, не ў курсе; колькі я вінны і за што? Мне кажуць: ты вінны восем тысяч долараў за каледж.

У выніку ён мяне адпусціў, сказаў заўтра прыйсці а 10-й раніцы ў Следчы камітэт, там будуць чакаць. Што зрабіў я? Адразу выходжу адтуль, з аддзялення, пытаюся ў ChatGPT, што рабіць. ChatGPT мне сказаў: з’язджай цяпер. Усё, я адразу праз Расію з’ехаў у Грузію. Зараз на мяне там ужо завялі крымінальную справу. Я вышукваны злачынца».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com