Расійскія лекары пачалі лячыць з дапамогай ChatGPT

Пацыенты занепакоіліся.

Шматлікія ніжагародскія лекары пачалі выкарыстоўваць бот штучнага інтэлекту ChatGPT для падрыхтоўкі пратаколаў і заключэнняў, паведаміў галоўны рэдактар МІА «Стацыянар-прэс» Аляксей Ніконаў. Паводле яго слоў, у электронных медыцынскіх дакументах, якія жыхары рэгіёна атрымліваюць на «Госуслугах» пасля прыёму ў лекара, пачалі з’яўляцца эмодзі — характэрная прыкмета тэкстаў, згенераваных ChatGPT. «Нічога дрэннага ў гэтым няма, калі алгарытмы ШІ бяруць на сябе рутыну, а лекар кантралюе вынік», — лічыць Ніконаў. Паводле ягоных даных, амаль 20% ніжагародскіх медыкаў рэгулярна выкарыстоўваюць ШІ для запаўнення дакументацыі ў паліклініках і бальніцах. Яшчэ 30% пакуль не ўмеюць працаваць з такімі інструментамі, але хочуць навучыцца.

Пры гэтым рэгіянальнае Міністэрства аховы здароўя забараніла выкарыстоўваць штучны інтэлект пры падрыхтоўцы медыцынскай дакументацыі, разаслаўшы ў падведамасныя ўстановы адпаведны ліст. Таксама была ўведзена забарона на з’яўленне смайлаў у электронных дакументах. Дакументы са смайламі пацыенты атрымлівалі нават праз «Госуслуги».

Як адзначае Ніконаў, праблема звязаная не столькі з самім выкарыстаннем нейрасетак, колькі з якасцю запытаў да іх. «ШІ можа памыліцца ў дазоўцы або тэрмінах, таму выкарыстоўваць яго як чарнавік — выдатна, але для фінальнага тэксту — небяспечна», — падсумаваў ён.

Урад вырашыў да канца 2026 года ўкараніць тэхналогіі штучнага інтэлекту ў працу дзяржаўных бальніц на фоне нарастаючага дэфіцыту лекараў, заяўляў намеснік міністра аховы здароўя Вадзім Ванькоў. Паводле яго слоў, з дапамогай ШІ лекары пачнуць апрацоўваць даныя даследаванняў і ўсе электронныя медыцынскія карты расіян. «Выкарыстанне праграм дазваляе выяўляць захворванні на ранніх стадыях і эканоміць час лекара на вывучэнне дакументаў і звестак пра пацыента», — сказаў Ванькоў. Пры гэтым ён запэўніў, што нейрасеткі стануць толькі памочнікамі ў пастаноўцы дыягназу і выбары курса лячэння.

Для ўкаранення ШІ планаваецца масава навучыць лекараў працы з адпаведнымі праграмамі. Аднак, як адзначыў Ванькоў, многія лекары не разумеюць, навошта ім нейрасеткі. Таксама, паводле яго слоў, урад у 2026 годзе мае намер стварыць адзіную базу, у якую будуць накіроўвацца ўсе апрацаваныя нейрасеткамі здымкі пацыентаў (рэнтгены, КТ і МРТ), а таксама палавіна медыцынскіх заключэнняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com