Анджэй Пачобут пра сваё здароўе: Лепш, чым я думаў

З'явілася кароткае відэа з экс-палітвязнем.

Журналіст польскай «Gazety Wyborczej» Бартош Вяліньскі запісаў невялікае відэа з экс-палітвязнем, журналістам, лідарам Саюза палякаў у Беларусі Анджэем Пачобутам, які выйшаў на волю у выніку абмену на польска-беларускай мяжы 28 красавіка.

«Дарагія, гады працы ў Gazeta Wyborcza, калі я апісваў падзеі ў Беларусі, а таксама ў іншых постсавецкіх краінах, прывучылі мяне да павагі і асцярожнага падыходу да слова. А словы насамрэч маюць значэнне, нягледзячы на тое, што мы жывём у часы, калі словы, і нават палітычныя перакананні, можна вельмі лёгка змяніць, і іх часта змяняюць. Ёсць рэчы трывалыя і ёсць людзі трывалыя. І я жадаю ўсім вам стойкасці ў тым, што вы робіце і ў тым, у што верыце», — звярнуўся Пачобут да чытачоў газеты.

Вяліньскі таксама пацікавіўся ягоным самаадчуваннем. Пачобут заявіў, што адчувае сябе лепш, чым думаў.

У лютым 2023 года суд у Гродне прысудзіў Анджэя Пачобута да 8 гадоў калоніі паводле артыкулаў аб распальванні варожасці (частка 3 артыкула 130 КК) і закліках да дзеянняў, накіраваных на прычыненне шкоды нацыянальнай бяспецы (артыкул 361-3 КК).

Яго некалькі разоў змяшчалі ў ПКТ у наваполацкай калоніі. У зняволенні ён моцна схуднеў, перанёс аперацыю па выдаленні язваў на скуры. У кастрычніку 2025 года ён завочна атрымаў Прэмію Сахарава, у лістападзе ён атрымаў вышэйшую ўзнагароду Польшчы — ордэн Белага Арла.

У 2024 годзе Анджэй Пачобут стаў ганаровым грамадзянінам Варшавы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com