СМІ: Трамп рыхтуе адпраўку спецназа ў Іран

Для захопу запасаў урану.

Прэзідэнт ЗША Дональд Трамп у чацвер выслухае даклад кіраўніка Цэнтральнага камандавання Узброеных сіл ЗША (CENTCOM) Брэда Купера з планам магчымых новых аперацый супраць Ірана, паведамляе Axios са спасылкай на неназваныя крыніцы (пераклад — The Moscow Times).

Паводле іх слоў, амерыканскае ваеннае камандаванне прадумала кароткую і магутную серыю бамбаванняў тэрыторыі ІРІ, у тым ліку, верагодна, і аб’ектаў інфраструктуры. Яшчэ адзін план, які, як чакаецца, будзе прадстаўлены Трампу, прадугледжвае ўсталяванне кантролю над часткай Армузскага праліва для аднаўлення камерцыйнага суднаходства. Як адзначае Axios, такая аперацыя можа запатрабаваць удзелу сухапутных войскаў.

Вашынгтон спадзяецца такім чынам дамагчыся ад Тэгерана большай пагадлівасці на перамовах аб ядзернай праграме, піша выданне. Акрамя таго, на брыфінгу можа быць разгледжаны варыянт захопу запасаў высокаўзбагачанага ўрану сіламі спецназа.

Тым часам Вашынгтон заклікаў іншыя краіны сфарміраваць міжнародную кааліцыю для забеспячэння свабоды суднаходства ў Армузскім праліве, гаворыцца ў службовай запісцы Дзярждэпартамента, з якой азнаёміўся Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com