Скандальны беларускі футбаліст вярнуўся на радзіму

У новай камандзе яго ўжо адхілілі ад трэніровак.

Нападнік Віталь Лісаковіч адхілены ад трэніровак у жодзінскім клубе «Тарпеда-БелАЗ». Рашэнне прыняў галоўны трэнер каманды Дзмітрый Ленцэвіч. Афіцыйныя прычыны адхілення не ўдакладняюцца, паведамляе bel.football.

Раней паведамлялася, што Лісаковіч прапусціў матч супраць «Дняпра» ў чэмпіянаце Беларусі нібыта праз хваробу.

У гэтым сезоне ён паспеў правесці толькі адзін матч за «Тарпеда-БелАЗ» — у трэцім туры супраць мінскага «Дынама», дзе жодзінская каманда прайграла з лікам 0:1.

Гулец нацыянальнай зборнай Беларусі па футболе Віталь Лісаковіч пачынаў сваю кар'еру ў салігорскім «Шахцёры», затым у 2018–2019 гадах выступаў у некалькіх харвацкіх клубах, з 2020 года — у Расіі. Восенню мінулага года ён стаў футбалістам славенскага «Цэле», але замацавацца там яму не ўдалося, таму ў гэтым годзе ён вярнуўся ў Беларусь.

28‑гадовы Лісаковіч вядомы сваім складаным характарам, што, відаць, найперш і перашкаджае яму надоўга замацавацца ў якім-небудзь клубе. Пасля сыходу з салігорскага «Шахцёра» ў 2020 годзе ён змяніў ужо 8 каманд, і развітанне прынамсі з некаторымі з іх не абыходзілася без скандалаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com