У Гомелі выпусцілі вадкае мыла «з наркатыкам»

«Чистые ручки» знялі з продажу.

Вадкае мыла «Чистые ручки» з пахам рамонку ўнеслі ў спіс небяспечнай прадукцыі. Адпаведнае рашэнне прыняў Дзяржстандарт.

Вадкае мыла выпусціў гомельскі вытворца бытавой хіміі «Будмаш». Эксперты вывучылі прадукт і зрабілі выснову, што ён не адпавядае патрабаванням бяспекі.

Высветлілася, што ў складзе вадкага мыла выкарыстоўваецца забаронены інгрэдыент этылцелозольв. У дадатку Мінпрацы да Міжгаліновых правілаў па ахове працы пры працы з эпаксіднымі смоламі і матэрыяламі на іх аснове адзначана, што пары гэтага рэчыва «аказваюць слабае наркатычнае і раздражняльнае дзеянне». Высокія канцэнтрацыі этылцелозольву могуць выклікаць захворванні нырак і нервовай сістэмы.

Акрамя таго, пытанні ў інспектараў выклікала і маркіроўка тавару. На этыкетцы інгрэдыенты пералічаныя ў некарэктным парадку.

У выніку Дзяржстандарт забараніў прадаваць «Чистые ручки» з пахам рамонку ў нашай краіне. Тыя партыі прадукцыі, якія ўжо паступілі ў крамы, спецыялісты ведамства даручылі зняць з продажу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com