Марко Рубіо выляцеў у Кітай пад іншым імем

Каб абысці санкцыі КНР.

Дзяржаўны сакратар ЗША Марко Рубіо у аўторак накіраваўся ў Кітай разам з прэзідэнтам Дональдам Трампам нягледзячы на тое, што на яго накладзены санкцыі. Аднак гэта стала магчымым дзякуючы «новаму імяні».

Пра гэта паведамляе AFP.

Як піша выданне, Рубіо, будучы сенатарам ЗША, ярасна адстойваў правы чалавека ў Кітаі. За гэта КНР двойчы ўвяла супраць яго санкцыі.

Аднак у аўторак у Кітаі заявілі, што не будуць перашкаджаць візіту Рубіо, які ўпершыню наведвае Кітай і ляціць у гэтую краіну разам з Трампам на борце прэзідэнцкага самалёта Air Force One.

«Санкцыі накіраваныя супраць слоў і дзеянняў Рубіо ў перыяд яго працы ў якасці сенатара ЗША ў дачыненні да Кітая», — патлумачыў прадстаўнік пасольства Кітая Лю Пэнъюй.

Як удалося абысці санкцыі

AFP адзначае, што незадоўга да ўступлення Рубіо на пасаду дзяржаўнага сакратара ў студзені 2025 года ўрад Кітая і афіцыйныя СМІ пачалі выкарыстоўваць іншы іерогліф. Ідзе гаворка пра іерогліф першага складу ягонага прозвішча, які абазначае «лу».

Два дыпламаты распавялі, што, на іх думку, гэтае змяненне дазваляе Кітаю прыняць чыноўніка, бо раней яму быў забаронены ўезд у краіну, калі выкарыстоўвалася папярэдняя форма напісання ягонага прозвішча.

Чым не ўгодзіў Рубіо і як усё змянілася

Марко Рубіо быў ключавым аўтарам законапраекта Кангрэса, які ўвёў маштабныя санкцыі супраць Кітая за меркаванае выкарыстанне прымусовай працы пераважна мусульманскай уйгурскай меншасцю. Таксама ён выступіў супраць рэпрэсій Пекіна ў Ганконгу.

На слуханнях па зацвярджэнні яго кандыдатуры на пасаду дзяржаўнага сакратара Рубіо шмат увагі надаў Кітаю, назваўшы яго беспрэцэдэнтным праціўнікам.

Аднак з моманту ўступлення на пасаду Рубіо падтрымліваў Трампа, які называе прэзідэнта Кітая Сі Цзіньпіна сябрам і засяродзіўся на выбудоўванні гандлёвых адносін.

Пры гэтым летась Рубіо прынёс пэўную палёгку Тайваню. Ён заявіў, што адміністрацыя Трампа не будзе весці перамовы аб будучыні самакіраванай дэмакратыі з мэтай заключэння гандлёвай здзелкі з Кітаем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com