Лукашэнка заявіў пра «мабілізацыю», каб падрыхтаваць армію да вайны

Дыктатар сустрэўся з Хрэнінам.

Беларусь пасля завяршэння маштабнай праверкі ўзброеных сіл працягне пакрапкава адмабілізоўваць воінскія часткі для праверкі баявой гатоўнасці. Пра гэта заявіў дыктатар Аляксандр Лукашэнка. «Далей, як я абяцаў, мы пакрапкава будзем адмабілізоўваць часткі для таго, каб рыхтаваць іх да вайны», — сказаў Лукашэнка падчас сустрэчы з міністрам абароны Віктарам Хрэнінам. Яго словы цытуе БелТА.

Падчас дакладу аб гатоўнасці арміі Лукашэнка запатрабаваў устараніць недахопы. «Я вельмі разлічваю, што гэты працэс не скончыцца, што кіраўніцтва арміі і перадусім міністр будуць надаваць найбольш сур'ёзную ўвагу тым недахопам, якія выявіліся пасля гэтай праверкі», — падкрэсліў дыктатар.

У канцы сакавіка міністр абароны Віктар Хрэнін заяўляў, што Беларусь на тле нарастаючых знешніх пагроз павялічвае маштабы праверак. Паводле яго слоў, распачатая 11 сакавіка комплексная праверка баявой і мабілізацыйнай гатоўнасці стала адной з самых маштабных у гісторыі арміі. У яе рамках з запасу былі прызваныя каля 5 тыс. ваеннаабавязаных. У красавіку Лукашэнка на нарадзе па выніках гэтай праверкі заяўляў: «Мы рыхтуемся да вайны... Мы не хочам вайны, але армія для таго і прызначаная. Калі раптам нехта вырашыць з намі размаўляць і глядзець на нас праз прыцэлы зброі, мы адкажам. Да гэтага і рыхтуемся». Ён таксама казаў, што ў выпадку вайны Беларусь можа нарасціць колькасць войскаў да паўмільёна чалавек.

У сакавіку мінулага года Лукашэнка падпісаў указ «Аб пераводзе дзяржаўных органаў і іншых арганізацый на працу ва ўмовах ваеннага часу». Указ каардынуе працу дзяржаўных органаў у ваенны час і вызначае шэраг арганізацый, кіраўнікам якіх у выпадку неабходнасці могуць прысвоіць вайсковыя званні. «Выданне ўказа дазволіць забяспечыць сістэмнае і бесперабойнае функцыянаванне дзяржаўнага апарату ў перыяд нарастання ваеннай пагрозы і ў ваенны час», — паведамілі тады ў прэс-службе Лукашэнкі.

За месяц да гэтага Лукашэнка заклікаў грамадзян рыхтавацца да Трэцяй сусветнай вайны «і ментальна, і стратэгічна». «Адкінем усе ілюзіі наконт магчымасці дыпламатычнага ўрэгулявання глабальнага канфлікту. Зняць напружанне не ў стане і міжнароднае права», — сказаў ён. Лукашэнка адзначыў тэндэнцыю да пашырэння НАТА, пагрозу з боку «калектыўнага Захаду» і дадаў, што Беларусь знаходзіцца «ў эпіцэнтры зацягнутага найбуйнейшага ваенна-палітычнага крызісу».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com