«Варыянтаў у Пуціна фактычна не засталося»

Крэмль сутыкнуўся з новым выклікам з-за вайны.

Расійскае кіраўніцтва апынулася перад складаным выбарам з-за зацяглай вайны супраць Украіны і пагаршэння эканамічнай сітуацыі. У Крэмля ўсё менш магчымасцяў працягваць баявыя дзеянні без сур’ёзных наступстваў для дзяржавы.

У той жа час міжнародная сітуацыя таксама не на карысць Расіі. Пра гэта ў эксклюзіўным інтэрв’ю для OBOZ.UA распавёў былы міністр замежных спраў Украіны Уладзімір Агрызка.

Ён заявіў, што ў прэзідэнта Расіі Уладзіміра Пуціна фактычна не засталося варыянтаў для працягу вайны без крытычных страт.

Паводле яго слоў, у Расіі зноў абмяркоўваюць магчымасць мабілізацыі 300 тысяч чалавек, аднак рэалізацыя такога сцэнару з фінансавага пункту гледжання надзвычай праблемная.

«Каб падрыхтаваць аднаго мабілізаванага, расійскі бюджэт мусіць выдаткаваць прыкладна 56 тысяч долараў. Калі памножыць 300 тысяч на 56 тысяч, атрымліваецца вельмі значная сума. І гэтых грошай у Расіі цяпер проста фізічна няма», – патлумачыў эксперт.

Дыпламат падкрэсліў, што новая хваля мабілізацыі будзе мець не толькі прамыя бюджэтныя выдаткі, але і сур’ёзныя эканамічныя наступствы.

«То-бок ісці такім шляхам азначае яшчэ мацней заганяць расійскую эканоміку ў ступар. Бо гэта ж 300 тысяч мужчын, якія недзе працуюць. Гэта не толькі маргіналы ці алкаголікі. Гэта людзі, якіх давядзецца забраць з эканомікі. І калі дадаць прамыя выдаткі да эканамічных страт, атрымліваецца астранамічная сума, якой Расія проста не мае», – сказаў Агрызка.

Ён таксама звярнуў увагу на рост магчымасцяў Сіл абароны Украіны і пагаршэнне міжнароднага становішча Расіі.

«Сілы абароны Украіны штодзённа нарошчваюць свае магчымасці. І ўжо цяпер становіцца відавочна, што схавацца не будзе дзе», – перакананы дыпламат.

Ён дадаў, што знешнепалітычная сітуацыя таксама складваецца не на карысць Крэмля.

«То-бок перспектыва выглядае так: або вайна спыняецца цяпер, або расійская эканоміка будзе фактычна знішчаная. І міжнародная сітуацыя таксама складваецца не на карысць Крэмля. Трамп не можа дапамагчы, Еўропа не жадае саступаць, Украіна цісне. Дык куды дзявацца?» – сказаў Агрызка.

У той жа час Агрызка лічыць, што цяпер у Пуціна яшчэ застаюцца пэўныя шанцы завяршыць вайну з адносна прымальнымі для сябе наступствамі.

«Таму тэндэнцыя да завяршэння вайны выглядае відавочнай. Прычым пакуль для Пуціна яшчэ застаюцца пэўныя шанцы на тое, што гэта завяршэнне будзе для яго хаця б адносна прымальным. Але можа здарыцца і так, што наступствы ўжо будуць абсалютна непрымальнымі. Таму чым даўжэй ён будзе трымацца за цяперашнюю лінію, тым горш будуць наступствы», – рэзюмаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com