The Telegraph: Паражэнні на фронце і заняпад эканомікі ператвараюць Пуціна ў параноіка

Міф пра «непераможную Расію» руйнуецца на вачах.

Атмасфера ўнутры Крамля становіцца ўсё больш параноідальнай на фоне няўдач на фронце ва Украіне і нарастаючых праблем у расійскай эканоміцы. Пра гэта піша The Telegraph.

Выданне адзначае, што наяўныя даныя сведчаць пра істотнае знясіленне расійскай ваеннай машыны пасля некалькіх гадоў наступальных аперацый і вялікіх страт.

Паводле інфармацыі амерыканскага Інстытута вывучэння вайны, у красавіку расійская армія ўпершыню з часоў украінскай аперацыі ў Курскай вобласці ў жніўні 2024 года страціла больш тэрыторыі, чым акупавала. Ды і ў цэлым за апошнія шэсць месяцаў расійскія войскі захапілі значна менш тэрыторый, чым за аналагічны перыяд годам раней.

The Telegraph піша, што калі цяперашнія тэмпы наступу захаюцца, Расіі спатрэбяцца дзесяцігоддзі, каб цалкам захапіць Данбас, які Крамль называе ключавой умовай любога мірнага пагаднення. Пры гэтым, як тлумачаць аналітыкі, у бліжэйшай перспектыве гэтая сітуацыя прынцыпова не зменіцца, бо дамінаванне дронаў у паветры не дае Расіі магчымасці рэалізаваць сваю колькасную перавагу і здзейсніць стратэгічны прарыў дзе-небудзь на фронце.

У публікацыі адзначаецца, што расійская армія пакутуе ад праблем з лагістыкай і сувяззю на фронце, а яе страты ўжо дасягаюць астранамічных значэнняў. Паводле падлікаў незалежных расійскіх журналістаў, Расія страціла больш за 350 тысяч салдатаў загінулымі. Пры гэтым тэмпы набору новых кантрактнікаў ужо не кампенсуюць гэтыя страты.

На гэтым фоне ўсё больш адчувальныя праблемы ў расійскай эканоміцы. The Telegraph піша, што ў першым квартале 2026 года эканоміка РФ скарацілася на 0,3% на фоне падзення даходаў ад нафты і газу і аслаблення дзелавой актыўнасці.

З улікам гэтых ваенных праблем і эканамічных цяжкасцяў, «атмасфера ў Крамлі становіцца ўсё больш параноідальнай», гаворыцца ў публікацыі. Журналісты спасылаюцца на нядаўна апублікаваны даклад выведкі адной з еўрапейскіх краін, у якім сцвярджаецца, што Пуцін праводзіць значную частку часу ў бункерах, пазбягае выкарыстання прыладаў з доступам у інтэрнэт і амаль цалкам засяродзіўся на штодзённых ваенных нарадах.

Нягледзячы на гэта, украінскія вайскоўцы папярэджваюць, што казаць пра хуткі крах Расіі пакуль рана. Камандзіры ЗСУ дапускаюць, што Масква можа рыхтаваць новыя наступальныя аперацыі з надыходам больш сухога надвор'я. Аднак, як падсумоўвае выданне, вобраз «неўмольнай расійскай сілы і неабмежаваных чалавечых рэсурсаў», які Пуцін гадамі спрабаваў дэманстраваць свету, паступова пачынае разбурацца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com