Словы пра Лукашэнку аказаліся прарочымі

Іншых варыянтаў у дыктатара няма.

Мінула крыху больш за тыдзень пасля нарады Лукашэнкі з урадам, на якой абмяркоўвалася сітуацыя на прадпрыемствах цэментнай галіны і ў Светлагорскім ЦКК.

«Шчыра кажучы, мяне насцярожвае плынь гэтых зваротаў па атрыманне льгот і «пернікаў». Асабліва пасля прызначэння новага прэм’ер-міністра. Не хацелася б, Аляксандр Генрыхавіч, думаць, што вы такім чынам адкрываеце нейкую новую палітыку: вось гэта дамо, гэта», — заявіў кіраўнік.

Лукашэнка раскрытыкаваў урад за паходы да яго з прапановамі спісаць даўгі прадпрыемствам, у якія з ягонай жа падачы былі ўкладзены мільярды з дзяржаўнага бюджэту.

У той жа дзень эканамічны аглядальнік Андрэй Махоўскі у каментары «Філіну» патлумачыў:

Што гэта — «няправільны падыход», Лукашэнка гаворыць пастаянна, але грошы ўсё адно дае. А што яму яшчэ рабіць? Іншых варыянтаў няма. Калі не даваць грошы, гэтыя заводы зачыняцца. Гэтым прадпрыемствам увесь час патрэбныя грошы не таму, што яны дрэнна працуюць.

Паводле яго слоў, у выніку мадэрнізацыі цэментныя заводы апынуліся ў даўгах, на пагашэнне якіх ідзе ўвесь іх прыбытак. Такі ж лёс напаткаў і прадпрыемства ў Светлагорску.

«А даўгі з’явіліся таму, што Лукашэнка хацеў, каб Беларусь стала цэментнай і цэлюлознай звышдзяржавай. Гэта ўсё ад гігантаманіі», — падкрэсліў Махоўскі.

Як бачым, словы эксперта аказаліся прарочымі. 13 мая Аляксандр Турчын накіраваўся ў Светлагорск. Дзяржпрэса пры гэтым паспрабавала зрабіць добрую міну, пачаўшы раніцу з паведамлення, больш падобнага на рэкламны прэс-рэліз.

Але паведамленне прэс-службы ўрада аказалася больш прыземленым: «Чаму прэм’ер-міністр прыехаў на Светлагорскі ЦКК: выпрацаваць сістэмныя рашэнні па стабілізацыі дзейнасці прадпрыемства».

Як бы там ні было, Турчын відавочна здолеў пераадолець насцярожанасць Лукашэнкі наконт «няправільных падыходаў» урада і яго страхі перад спробамі «адкрываць нейкую новую палітыку».

Магчыма, уся справа ў рэцэпце, прапанаваным кіраўніком урада: «Праблема датычыць не толькі гэтага аднаго прадпрыемства і ўзнікае з зайздроснай рэгулярнасцю. Магчыма, трэба падумаць пра прыняцце сістэмнага рашэння па плацяжах у фонд нацыянальнага развіцця, каб мы не так часта хадзілі да кіраўніка дзяржавы».

Кірыл Іваноў, «Салідарнасць»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com