Der Spiegel: Украіна за паўгода ўдвая павялічыла тэмпы знішчэння расійскай СПА

Ключавую ролю адыгрываюць беспілотнікі.

Украінскія вайскоўцы актыўна палююць на расійскія сістэмы супрацьпаветранай абароны. Дзякуючы новым украінскім распрацоўкам Сілы абароны ў красавіку знішчылі ўдвая больш сродкаў СПА і радараў РФ, чым у кастрычніку 2025 года.

Таксама ўзрасла і колькасць дакладных удараў па тылавых мэтах. У сакавіку Украіна задзейнічала каля 7000 беспілотнікаў для атак па тэрыторыі Расіі. Пра гэта піша нямецкі Der Spiegel.

Аўтары публікацыі адзначаюць, што расійскія рэзервы паступова вычэрпваюцца. Гэта дазваляе Украіне наносіць усё больш удараў у глыбокім тыле РФ.

Ключавую ролю адыгрываюць дроны FP-2, Hornet і Bulava. На апошніх кіламетрах яны дзейнічаюць аўтаномна: скануюць мясцовасць па картах і самастойна знаходзяць мэту. Радыус дзеяння — да 200 км за лініяй фронту.

Іх галоўныя мэты — сістэмы «Тор», «Бук» і С-300. Вядома, што са студзеня па красавік Украіна нанесла 600 удараў беспілотнікамі на акупаваных тэрыторыях.

«Таму цяпер перад Масквой стаіць стратэгічны выбар: абараняць войскі на фронце ці прыкрываць уласны тыл і прамысловую інфраструктуру», — гаворыцца ў публікацыі.

Таксама журналісты паведамляюць, што Украіна ўсё часцей атакуе нафтаперапрацоўчыя заводы і ваенныя прадпрыемствы ў глыбіні Расіі. Паводле падлікаў СМІ, толькі ў красавіку і траўні было зафіксавана дзясяткі удараў па аб’ектах нафтавай і прамысловай інфраструктуры, што знаходзяцца за сотні і нават тысячы кіламетраў ад фронту.

Акрамя таго, выданне звяртае ўвагу, што атакі ўкраінскіх дронаў змяняюць настроі і ўнутры Расіі. У рэгіёнах РФ усё часцей узнікаюць паветраныя трывогі і атакі, таму расіяне адчуваюць сябе неабароненымі.

Выданне мяркуе, што Украіна і далей будзе сістэмна знішчаць СПА і прамысловасць Расіі. А вось кампенсаваць страты Маскве будзе складана, бо сістэмы СПА дэфіцытныя ў свеце, і з часам прабелы ў абаронным шчыце РФ могуць павялічвацца.

Нагадаем, у ноч на 13 мая ў Расійскай Федэрацыі пачаўся пажар на Астраханскім газаперапрацоўчым заводзе (ГПЗ), паведамілі ў сетцы. Губернатар пацвердзіў атаку дронаў.

Таксама ў ноч на 13 мая беспілотнікі масіравана атаквалі Краснадарскі край Расіі. Ля Анапы і ў Цямрукскім раёне прагрымеў шэраг выбухаў, пасля чаго ўзнік пажар. Пасля атакі ў Тамані ўзнік пажар у раёне мясцовага марскога порта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com