ЗША выводзяць войскі з Германіі з-за спрэчкі з Мерцам

Пентагон абвясціў пра вывад 5000 ваеннаслужачых.

Пентагон абвясціў пра вывад 5000 амерыканскіх ваеннаслужачых з Германіі, саюзніцы па НАТА, на фоне абвастрэння разыходжанняў паміж прэзідэнтам Дональдам Трампам і Еўропай з нагоды вайны з Іранам. Пра гэта піша Reuters.

«Прэзідэнт справядліва рэагуе на гэтыя контрпрадуктыўныя заявы», — сказаў чыноўнік.

Пентагон заявіў, што вывад войскаў, як чакаецца, будзе завершаны на працягу наступных шасці—дванаццаці месяцаў.

Чыноўнік сказаў, што скарачэнне кантынгенту верне колькасць амерыканскіх войскаў у Еўропе прыкладна да ўзроўню, які быў да 2022 года, да ўварвання Расіі ва Украіну, што справакавала нарошчванне ваеннай прысутнасці пры тагачасным прэзідэнце Джо Байдэне.

Па яго словах, брыгадная баявая група, якая цяпер знаходзіцца ў Германіі, будзе выведзена з краіны, а батальён агнявой падтрымкі далёкага дзеяння, які адміністрацыя Байдэна планавала пачаць разгортваць у Германіі пазней сёлета, больш не будзе разгортвацца.

Адзначаецца, што Германія з'яўляецца найбуйнейшай базай узброеных сіл ЗША ў Еўропе, дзе дыслакуецца каля 35 000 ваеннаслужачых дзейнай службы, і служыць ключавым цэнтрам падрыхтоўкі кадраў. Высокапастаўлены прадстаўнік Пентагона сказаў:

«Прэзідэнт вельмі ясна выказаў сваё расчараванне рыторыкай нашых саюзнікаў і іх няздольнасцю аказваць падтрымку аперацыям ЗША, якія прыносяць ім карысць».

Канфлікт Трампа і Мерца

Раней на гэтым тыдні Трамп пагражаў скарачэннем колькасці войскаў пасля канфлікту з канцлерам Германіі Фрыдрыхам Мерцам, які заявіў, што іранцы прыніжаюць ЗША на перамовах аб спыненні двухмесячнай вайны.

Трамп вылучыў Германію, адначасова рэзка крытыкуючы іншых саюзнікаў па НАТА за тое, што яны не накіравалі свае ваенна-марскія сілы, каб дапамагчы ў адкрыцці Армузскага праліву падчас канфлікту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com