У Расіі знялі «пакаяльнае» відэа з беларусам

З-за інцыдэнту з «хуткай».

Нядаўна ў сетцы завірусілася відэа таго, як кіроўца Belgee з беларускімі нумарамі не прапусціў хуткую дапамогу ў Расіі. Мужчыну затрымалі, паліцыя Санкт-Пецярбурга апублікавала яго «пакаяльнае» відэа, піша «Zerkalo».

Інцыдэнт з хуткай дапамогай і Belgee адбыўся на Індустрыяльным праспекце ў расійскім Санкт-Пецярбургу. Як паведамляецца, паліцэйскія «ў найкарацейшыя тэрміны ўстанавілі асобу кіроўцы і даставілі яго ў аддзел паліцыі для разбіральніцтва».

Высветлілася, што гэта прыезджы 22-гадовы студэнт першага курса аднаго з пецярбургскіх універсітэтаў. З ім знялі «пакаяльнае» відэа. Там кіроўца распавядае, што ехаў па праспекце, а ззаду «прыстроілася машына рэанімацыі».

Па яго словах, ён пачаў перабудоўвацца, але адбылося непаразуменне з кіроўцам хуткай.

«Прыношу свае найглыбейшыя выбачэнні, надалей такое больш не будзе паўтарацца», — сказаў мужчына на відэа.

Яго прыцягнулі да адміністрацыйнай адказнасці па ч. 2 арт. 12.17 КоАП РФ (непрадастаўленне перавагі ў руху маршрутнаму транспартнаму сродку або транспартнаму сродку з уключанымі спецыяльнымі светлавымі і гукавымі сігналамі). Аўтамабіль змешчаны на спецстаянку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com