Гараць танкер і рэзервуар з палівам: беспілотнікі масіравана атакавалі расійскі Таганрог

У порце таксама гарыць адміністрацыйны будынак.

У ноч на 30 мая Растоўскую вобласць у Расіі масіравана атакавалі беспілотнікі. Пад ударам апынуўся горад Таганрог, дзе прагрымела серыя выбухаў і фіксуецца ўзгаранне ў раёне порта, паведамляе «Фокус».

У выніку абстрэлу ў мясцовым порце ўзнік пажар на танкеры, таксама гарыць рэзервуар з гаручым. Пра гэта паведаміў губернатар Растоўскай вобласці Юрый Слюсар, які пацвердзіў масіраваную атаку на рэгіён у сваім Telegram-канале.

Паводле звестак расійскага чыноўніка, у порце таксама загарэўся адміністрацыйны будынак. Інфармацыі пра пацярпелых або разбурэнні няма, дадаў Слюсар.

Акрамя таго, губернатар паведаміў пра «знішчэнне дронаў» у Таганрогскім, Чарткоўскім, Матвеева-Курганскім, Неклінаўскім раёнах.

«У вёсцы Грэкава-Цімафееўка Матвеева-Курганскага раёна ў выніку падзення абломкаў беспілотнага лятальнага апарата адбылося ўзгаранне газавай трубы ў доме, пашкоджаныя дах і шкленне», — дадаў Слюсар.

Пад раніцу ў мэріі Таганрога паведамілі, што пажар у порце, выкліканы атакай дронаў, нібыта ўдалося ліквідаваць. Разліву нафтапрадуктаў у выніку абстрэлу зафіксавана не было.

Варта адзначыць, што ў ноч на 30 мая беспілотнікі таксама атакавалі Краснадарскі край РФ і акупаваны Крым: аналітыкі паведамілі, што пад ударамі маглі апынуцца мясцовыя нафтабазы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com