На расійска-беларускай мяжы даныя пасажыраў уносяць у табліцы

Не ўсіх правяраюць аднолькава.

Расійскія памежнікі перад майскімі святамі ўвялі ўзмоцнены кантроль на мяжы з Беларуссю. Аднак пасля заканчэння выходных гэтая мера не была адмененая і захоўваецца дагэтуль, паведамляе MAYDAY.TEAM.

30 красавіка праваабаронцам стала вядома, што расійскія памежнікі пачалі фатаграфаваць пашпарты ўсіх, хто перасякае мяжу з Беларуссю. Меры ўзмоцненага кантролю тлумачыліся павялічаным патокам турыстаў напярэдадні доўгіх майскіх святаў. Гэтая сітуацыя прывяла да затораў і запаволення руху, у прыватнасці, у пункце пропуску «Рудня» даводзілася чакаць да двух гадзін.

Па стане на 5 мая рэжым кантролю не змяніўся, але спосаб збору даных адкарэктавалі: цяпер памежнікі ўносяць даныя кіроўцаў і пасажыраў у спецыяльную табліцу Excel, з-за чаго могуць збірацца чэргі.

Паводле слоў саміх кантралёраў, ім дадзена ўказанне весці пастаянны кантроль за замежнікамі, што ўязджаюць у Расію, і расіянамі, якія выязджаюць з краіны. Гэтыя катэгорыі падарожнікаў абавязаныя асабіста падыходзіць да акенцаў у пунктах пропуску і прад'яўляць дакументы.

Пры гэтым адзначаецца, што грамадзян Беларусі, якія выязджаюць з Расіі па беларускіх пашпартах, правяраюць менш пільна — у шэрагу выпадкаў іх прапускаюць без унясення даных у табліцу.

Ці захаваецца такі парадак пасля 9 мая, пакуль невядома. Паводле слоў расійскіх памежнікаў, «рашэнне прымаюць не яны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com