Нафта працягвае таннець пасля слоў Трампа

Прэзідэнт ЗША заявіў пра магчымасць мірнага пагаднення з Іранам.

Цэны на нафту падаюць у сераду другі дзень запар, бо рынкі спадзяюцца на аднаўленне паставак з Блізкага Усходу пасля каментароў прэзідэнта ЗША Дональда Трампа аб магчымасці мірнага пагаднення з Іранам.

Ф'ючэрсы на нафту маркі Brent на 09:22 (па Мінску) знізіліся на 1,35% да $108,39 за барэль, маркі WTI — на 1,58% да $100,65 за барэль. Трамп у аўторак нечакана прыпыніў аперацыю ваеннага суправаджэння суднаў, што выходзяць праз Армузскі праліў. Прэзідэнт патлумачыў гэта добрым прасоўваннем перамоваў з Іранам да заключэння мірнага пагаднення, але падрабязнасцяў не прывёў. Непасрэднай рэакцыі з боку Тэгерана не было.

«Гэта сведчыць пра магчымасць дэскалацыі і дае надзею, што танкеры, якія затрымаліся ў Пэрсідскім заліве, нарэшце выйдуць у адкрытае мора, і пастаўкі паступова вернуцца на рынак», — сказаў Ань Фам з LSEG.

Аналітык дадаў, што цэны на нафту застаюцца высокімі — Brent і WTI трымаюцца вышэй за $100 за барэль — бо перспектывы мірнага пагаднення непэўныя. Акрамя таго, паводле яго слоў, нават у выпадку дасягнення дамоўленасці спатрэбіцца час на поўнае аднаўленне гандлёвых патокаў. Запасы нафты ў ЗША знізіліся трэці тыдзень запар, запасы бензіну і дыстылятаў таксама скараціліся, паведаміў у аўторак Амерыканскі інстытут нафты.

Паводле дадзеных API, запасы нафты ў Злучаных Штатах упалі на 8,1 мільёна барэляў за тыдзень, які завяршыўся 1 мая, запасы бензіну скараціліся на 6,1 мільёна барэляў, а дыстылятаў — на 4,6 мільёна барэляў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com