У Расіі пайшлі на легалізацыю інтэрнэт-даносаў

Крэмль стварае сець «студэнцкіх кібердружын».

Урад РФ зацвердзіў маштабны план «барацьбы з дэструктыўнымі паводзінамі моладзі» да 2030 года. За размытымі фармулёўкамі пра «бяспеку» як мэту гэтых наваўвядзенняў хаваецца чарговае ўзмацненне кантролю за актыўнасцю грамадзян у сеціве.

Пра гэта гаворыцца ў паведамленні Украінскага Цэнтра супрацьдзеяння дэзінфармацыі.

Дакумент, які ўключае 41 мерапрыемства, прадугледжвае татальны маніторынг інтэрнэт-прасторы для моладзі. Ключавым інструментам стане стварэнне сеткі «кібердружын» і «медыяпатрулёў», у якія прымусова або «паўдабравольна» будуць прыцягваць саміх студэнтаў. Фактычна дзяржава легалізуе інстытут інтэрнэт-даносаў, дзе моладзь пад куратарствам адукацыйных органаў павінна сачыць за кантэнтам і «ненадзейнымі» публікацыямі сваіх жа аднагодкаў.

«Улады РФ робяць чарговы крок да ператварэння інтэрнэту ў ізаляванае асяроддзе пад поўным кіраваннем спецслужбаў. Крэмль выразна разумее: у сучасных рэаліях кантроль над інфармацыйнымі патокамі — гэта кантроль над свядомасцю грамадзян», — пішуць у ЦПД.

Паколькі стратэгія блакаванняў не змагла цалкам перакрыць маладому пакаленню доступ да альтэрнатыўных крыніц інфармацыі, цяпер робіцца стаўка на ўнутраны нагляд і стварэнне атмасферы пастаяннага сачэння.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com