Канец АДКБ

Для рэгіёна сам факт правядзення саміту ў Ерэване — гэта ўжо палітычны сігнал.

Арменія, якая доўгія гады была ў арбіце Расіі і фармальна застаецца членам АДКБ, прымае буйны еўрапейскі форум. Гэта фіксуе зрух балансу: Расія захоўвае прысутнасць, але ўжо не дамінуе, а канкуруе з ЕС, Турцыяй і іншымі гульцамі за ўплыў у рэгіёне.

На гэтым фоне візіт Уладзіміра Зяленскага мае асаблівае значэнне. Прэзідэнт Украіны выкарыстаў пляцоўку саміту максімальна прагматычна. Па яго выніках дасягнуты дамоўленасці аб паскарэнні атрымання фінансавай падтрымкі ЕС у памеры 90 млрд еўра, а таксама аб узмацненні супрацьпаветранай абароны. Гэта паказвае, што Украіна працягвае ўтрымліваць парадак дня і канвертаваць палітычную ўвагу ў канкрэтныя рэсурсы.

Чаму важны візіт Зяленскага?

Па-першае, гэта другая краіна постсавецкай прасторы, куды прыехаў украінскі прэзідэнт з 2022 года, і, што важна, прынамсі фармальна — краіна-член АДКБ, ваеннага блока расіян. Гэта сведчыць пра тое, што АДКБ, па вялікім рахунку, больш не існуе як ваенны альянс. Там Зяленскі шмат абмяркоўваў з Пашынянам, але я вельмі скептычны адносна эканамічнага або ваеннага супрацоўніцтва паміж Украінай і Арменіяй. У нас іншыя прыярытэты і іншыя саюзнікі — у ваенным плане гэта Азербайджан і Турцыя, а не Арменія. З эканамічнага пункту гледжання проста не бачу, як і чым мы можам супрацоўнічаць з Арменіяй у бліжэйшай перспектыве — вельмі дарагая і складаная лагістыка. Але сам факт — добры сігнал, які паказаў, што Пуцін губляе кантроль над усім рэгіёнам Паўднёвага Каўказа, куды ўваходзяць Азербайджан, Арменія і Грузія.

Па-другое, яшчэ адна прыкметная падзея — перамовы прэзідэнта Зяленскага з прэм’ер-міністрам Грузіі Іракліем Кабахідзэ. Няхай сустрэча «на хаду», няхай не было афіцыйных перамоў, але сама размова важная і мае значэнне. У мяне няма ілюзій адносна нармалізацыі гэтай улады ў Грузіі — яны даўно і трывала закладнікі Крамля і не выберуцца з гэтай пасткі, ды і не хочуць, напэўна. Кабахідзэ — гэта клерк Бідзіны Іванішвілі. Таму ўсё зразумела. Але сам факт таго, што Іванішвілі даў дазвол Кабахідзэ на размову з Зяленскім — гэта ўжо індыкатар таго, што ўся гэтая злодзейская кліка, якая ўтрымлівае кантроль над Грузіяй, ужо пачынае глядзець, куды дзьме вецер. Яны разумеюць, што баланс сіл у рэгіёне змяніўся, што Кітай зайшоў вельмі моцна і што Турцыя ўзмацнілася — а Турцыя цяпер адзін з ключавых саюзнікаў Кітая ў рэгіёне і ўвогуле. Турцыя хоць фармальна і член НАТА, але і НАТА ўжо няма, як няма і АДКБ. Мы ўваходзім у свет малых сітуатыўных саюзаў вакол агульных інтарэсаў, дзе кожная краіна, акрамя Кітая і ЗША, будзе мець 3–4–5 саюзнікаў у розных рэгіёнах, з якімі будзе максімальна цеснае супрацоўніцтва ва ўсіх магчымых сферах.

У-трэціх, Зяленскі пагаварыў яшчэ з адным «вялікім сябрам» Украіны — прэм’ерам Славакіі Робертам Фіцам, які нібыта ўжо сказаў, што пакуль не будзе перашкаджаць сяброўству Украіны ў ЕС, і нават дамовіліся, што ён прыедзе ў Кіеў, а Зяленскі — да яго, у Славакію, з візітамі. Таксама Фіца, здаецца, нават паабяцаў не ўдзельнічаць у парадзе 9 мая ў Маскве. Прэм’ер-міністр Славакіі Роберт Фіца заявіў, што наведае Маскву 9 мая і сустрэнецца з расійскім лідарам Уладзімірам Пуціным, але пры гэтым не прыме ўдзелу ў ваенным парадзе. Насамрэч гэта ўжо важны палітычны сігнал — Фіца таксама пачынае глядзець, куды дзьме вецер.

У-чацвёртых, упершыню ў саміце Еўрапейскай палітычнай супольнасці брала ўдзел краіна, якая не знаходзіцца ў Еўропе, — Канада. Там быў іх прэм’ер Марк Кірні. Гэта значны фактар. Еўропа і Канада будуць узмацняць свой стратэгічны саюз без ЗША. Нават пры тым, што ў ваенным плане Канада пакуль не з’яўляецца моцным гульцом, з пункту гледжання патэнцыялу рэсурсаў і эканомікі — гэта вельмі магутная краіна. Каб было зразумела, ВУП Канады ўжо 2,2 трлн долараў — гэта параўнальна з Расіяй. Але ў Канадзе жыве ўсяго 40 млн чалавек — гэта мала. Таму для такой колькасці насельніцтва такі ўзровень ВУП — гэта значны паказчык.

Георгій Біркадзэ, «Обозреватель»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com