У Расіі рыхтуюцца заблакаваць доступ да папулярных анлайн-гульняў

Пададзены іскі супраць найбуйнейшых сусветных гульнявых кампаній.

Раскамнагляд пачаў прад’яўляць прэтэнзіі найбуйнейшым у свеце студыям — распрацоўнікам гульняў з-за адмовы захоўваць персанальныя даныя гульцоў у Расіі, паведамілі «Коммерсанту» у юрфірме Semenov & Pevzner. Паводле іх даных, нагляднае ведамства падала іскі як мінімум супраць сямі кампаній, сярод якіх Electronic Arts (выпускае серыі Sims, Battlefield, FIFA), Take-Two Interactive Software (Grand Theft Auto, Red Dead Redemption) і Battlestate Games Limited (Escape from Tarkov). Усе яны паступілі ў Таганскі раённы суд. Чатыры з іх ужо былі разгледжаныя ў красавіку. У выніку кожную кампанію аштрафавалі на 2 млн рублёў за невыкананне патрабаванняў закона «Аб персанальных даных».

Рэгулятар ужорстчвае кантроль, бо разглядае гульнявыя сэрвісы як буйныя лічбавыя платформы, якія збіраюць даныя расійскіх карыстальнікаў, кажа адвакат Forward Legal Сяргей Кокараў. Паводле яго слоў, асноўная рызыка ў тым, што Раскамнагляд пяройдзе ад штрафаў да патрабаванняў ліквідаваць парушэнні і да блакіроўкі даменаў, сэрвісаў уліковых запісаў або іншых кропак доступу. Такі сцэнар верагодны, бо замежныя кампаніі звычайна не выплачваюць прызначаныя штрафы, адзначыў кансультант практыкі інтэлектуальнай уласнасці ЮК ЭБР Арцём Яўсееў. Сярод пералічаных у ісках кампаній — выдаўцы і распрацоўнікі самых папулярных анлайн-гульняў у свеце, агульная аўдыторыя якіх у Расіі дасягае 20 млн чалавек, нагадаў незалежны эксперт Канстанцін Гаварун.

Іскі Раскамнагляду могуць стаць пачаткам барацьбы з замежнымі анлайн-гульнямі ў Расіі, кажа крыніца «Коммерсанта» на гульнявым рынку. Паводле яго слоў, пры блакіроўках гульні будуць дрэнна працаваць нават з VPN, а іх аўдыторыя скароціцца, як ужо адбылося з Roblox. У выйгрышным становішчы апынуцца нешматлікія расійскія анлайн-гульні або прадукты кітайскіх распрацоўнікаў.

Да гэтага амаль усе замежныя гульнявыя кампаніі згарнулі дзейнасць у Расіі з-за немагчымасці прымаць плацяжы. У сваю чаргу расійскія карыстальнікі прыстасаваліся да пакупкі гульняў у Steam праз пасярэднікаў, кажа незалежны эксперт Максім Фамічоў. Але калі ў Раскамнаглядзе заблакуюць Steam, гэта зменіць ландшафт рынку для спажыўцоў, дадаў ён. У такім выпадку з альтэрнатыў у Расіі застанецца толькі VK Play, аднак у расійскім сэрвісе сусветныя студыі не прадстаўленыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com