Аляксей Хлястоў апублікаваў у сацсетках першае пасля вызвалення відэа

Спявак падзякаваў усім за словы падтрымкі і салідарнасці.

Аляксей Хлястоў апублікаваў сторыс у Instagram, у якім расказаў, што зноў пачынае выходзіць у «медыяпрастору», бо засумваў па сваіх падпісчыках.

Спявак падзякаваў усім за словы падтрымкі і салідарнасці. Хлястоў паведаміў, што цяпер знаходзіцца за горадам, а са здароўем у яго ўсё ў парадку.

— Патроху пачынаю выходзіць у медыяпрастору. Я засумваў па вас, вельмі вас люблю. Усім добрага дня, — звярнуўся да сваіх падпісчыкаў выканаўца.

Нагадаем, пра затрыманне Аляксея Хлястова стала вядома 22 мая. Пазней ягоная жонка Алена паведаміла, што спявака прызналі вінаватым паводле артыкула аб дробным хуліганстве і прызначылі 14 сутак адміністрацыйнага арышту. Артыст трапіў на Акрэсціна.

Пасля гэтага ў профілі Аляксея Хлястова ў сацсетцы Threads з’явілася відэа, якое ён загадзя запісаў на выпадак, калі не вернецца дадому. У ім ён распавёў, што яго ўжо двойчы выклікалі на «прафілактычныя гутаркі» ў ГУБАЗіК, ГУУС і транспартную інспекцыю.

Аляксей Хлястоў выйшаў на волю 4 чэрвеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com