РФ працягвае выкарыстоўваць паветраную прастору Беларусі

Для удараў дронамі па Украіне.

Расія працягвае выкарыстоўваць паветраную прастору Беларусі для удараў дронамі па Украіне, — заявіў у эфіры тэлемарафону спікер Дзяржаўнай памежнай службы Украіны (ДПСУ) Андрэй Дземчэнка.

- Гэтай ноччу (15 чэрвеня — рэд.) тактыка праціўніка заставалася нязменнай: дроны заходзяць з тэрыторыі Расіі, пасля чаго рухаюцца ўздоўж украінска-беларускай мяжы, — цытуе прадстаўніка памежнага ведамства інфармагенцтва «Укрінформ». — Частка беспілотнікаў перасякае паветраную прастору Беларусі і выкарыстоўвае яе для далейшага пранікнення ў глыб Украіны, у прыватнасці праз Кіеўскую і Жытомірскую вобласці з наступным рухам у кірунку заходніх рэгіёнаў.

Па словах Дземчэнкі, гэтай ноччу фіксавалася значная колькасць дронаў у межах Чарнігаўскай і Кіеўскай абласцей. Пераважна яны рухаліся не на захад, а ў асноўным у бок Кіева.

Спікер ДПСУ падкрэсліў, што на дадзены момант нарошчвання расійскіх або беларускіх сіл непасрэдна ля ўкраінскай мяжы не назіраецца, прыкмет фармавання ўдарнай групоўкі няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com