У Польшчы па справе аб забойстве Сямёна Скрэпецкага затрымалі двух беларусаў

Іх датычнасць да злачынства пакуль не пацверджана.

Польская пракуратура паведаміла пра затрыманне двух беларусаў, 33 і 37 гадоў. Іх удзел у забойстве пакуль не пацверджаны, яны праходзяць у справе як сведкі.

Пракуратура горада Бяла-Падляска агучыла афіцыйныя падрабязнасці расследавання забойства 44‑гадовага расійскага мастака-карыкатурыста Сямёна Скрапецкага.

Напад адбыўся ў панядзелак, 15 чэрвеня, каля 9:45 раніцы на паркоўцы і тратуары каля дома мастака на вуліцы Каралевы Ядвігі.

Забойца зрабіў тры кантрольныя пострэлы

Забойца дзейнічаў з асаблівай жорсткасцю: спачатку ён двойчы стрэліў у Скрапецкага з пісталета ззаду, а калі той упаў на зямлю, падышоў упрытул і зрабіў яшчэ тры кантрольныя пострэлы, пасля чаго знік.

Мастак памёр на месцы.

Эксперты налічылі на яго целе сем агнястрэльных ран у вобласці галавы, грудзей і спіны. На месцы злачынства знайшлі пяць гільзаў і кулю калібру 9 мм.

Адразу пасля забойства ў горадзе абвясцілі поўны збор паліцыі і план перахопу.

У выніку каля будынка Консульства Рэспублікі Беларусь у Бялай-Падлясцы паліцыянты затрымалі двух грамадзян Беларусі ва ўзросце 33 і 37 гадоў. Іх датычнасць да забойства пакуль не даказаная.

Пракуратура пакуль устрымліваецца ад агучвання канкрэтных версій забойства, спасылаючыся на таямніцу следства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com