У ЗША зробяць «касмічнае віно»

Тэхаскі вінаград апрамяняць на арбіце дзеля мутацый.

Даследчыкі з Тэхаскага ўніверсітэта A&M адпраўляюць на Міжнародную касмічную станцыю сотні насення вінаграду. Шэсць месяцаў радыяцыі, вяртанне на Зямлю, высадка — і праз некалькі гадоў з гэтых лоз хочуць атрымаць першае віно з вінаграду, што пабываў на арбіце. Пра гэта паведамляе «Хайтэк».

Праект пачынаўся як дыпломная праца двух студэнтаў-старшакурснікаў з кафедры аэракосмічнай інжынерыі. Кобі Арнольд і Арвінд Субраманьям звярнуліся да спецыяліста па вінаградарстве Джастына Шайнера з ідэяй эксперыменту на МКС. Пад яго кіраўніцтвам студэнты спраектавалі кантэйнер, які абараняе насенне ад поўнага знішчэння радыяцыяй, але пакідае яго адкрытым для мутацый.

На арбіту ляцяць тры гатункі, уключаючы ломанта. Гэты тэхаскі культывар вывёў піянер вінаградарства Т. В. Мансон на пачатку 1900-х гадоў. Менавіта тэхаскія лозы калісьці выратавалі сусветную вінную індустрыю. Іх падвоі, устойлівыя да філаксеры, адправілі ў Еўропу і прышчапілі на іх мясцовыя гатункі. Цяпер ломанта вяртаецца ў навуку праз космас.

Пасля прызямлення апрамянёныя насеніны пасадзяць побач з кантрольнымі на вінаградніку Thomas Ranch. Навукоўцы параўнаюць рост лазы, якасць ягад і генетыку. Каманда Шайнера прыцягнула экспертаў па селекцыі і геноміцы. Мутацыі не раз змянялі вінаробства. Напрыклад, піно гры ўзнікла з адной выпадковай мутацыі піно нуар. Аўтары спадзяюцца, што космас падорыць такую ж удалую выпадковасць.

Першы ўраджай чакаюць праз чатыры-пяць гадоў. Кіраўнік кафедры садаводства Аміт Дынгра падкрэсліў: расліны ў космасе — не забава, а неабходнасць. Ежа, кісларод, самаадчуванне экіпажа. Праект злучае мінулае і будучыню садаводчай навукі, дапамагаючы чалавецтву дацягнуцца да зорак і пусціць там карані.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com