Беларускі садоўнік распавёў, як з травы прыгатаваць простыя і дзейсныя ўгнаенні

Універсальныя рэцэпты.

З скошанай і выпалатай на дачным участку травы і пустазелля садоўнік Дзмітрый Кастрыцкі ў эфіры тэлеканала госТВ параіў прыгатаваць два простыя і ўніверсальныя ўгнаенні для градак – «бродзілаўку» і «кампостны чай», піша «Комсомолка».

Для «бродзілаўкі» падыдзе любая трава, але пераважна — дзьмухавец, крапіва, лапух і снытка, якія багатыя на мікраэлементы. Скошаную траву пакласці ў вядро або ў бочку, напоўніўшы прыблізна напалову, а затым заліць вадой. «Бродзілаўка», у якой шмат азоту, бродзіць пяць дзён. Потым угнаенне разводзяць у прапорцыі 1 да 9 (1 частка «бродзілаўкі» і 9 частак вады), і гэтай сумессю паліваюць расліны раз на 7–10 дзён.

Што да «кампостнага чаю», дык тут таксама ўсё проста. Скошанай травой набіваюць шчыльны чорны смеццевы пакет, завязваюць, а потым у ім прабіваюць невялікія дзіркі. Гэты пакет з траўой можна пакінуць на ўчастку. За сем дзён трава ператвараецца ў цёмную густую масу. Ёй трэба на траціну запоўніць 10-літровае вядро, дадаць вады, размяшаць — і ўгнаенне гатова.

«Таматы, агуркі, кабачкі і перац — усе добра адгукаюцца на ўнясенне такога віду ўгнаенняў», — падкрэсліў Дзмітрый Кастрыцкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com