Лукашэнка «сакрэтна» змяніў указ аб выкарыстанні аўто дзяржаўнымі арганізацыямі
1- 23.06.2026, 9:32
- 5,212
Наваўвядзенні прызначаныя толькі для службовага карыстання.
Аляксандр Лукашэнка змяніў указ «Аб упарадкаванні набыцця і выкарыстання транспартных сродкаў». Наваўвядзенні прызначаныя для службовага карыстання, гаворыцца ў апублікаваным дакуменце, піша «Зеркало».
Раней пачатак указа выглядаў так:
«З мэтай удасканалення прававога рэгулявання пытанняў набыцця і выкарыстання транспартных сродкаў:
1. Устанавіць, што:
1.1. юрыдычныя асобы маюць права ажыццяўляць набыццё на ўзмезднай аснове, у тым ліку па дагаворах фінансавай арэнды (лізінгу) (далей — набыццё), легкавых аўтамабіляў з мэтай выкарыстання іх у якасці службовых і спецыяльных легкавых аўтамабіляў пры адсутнасці на працягу апошніх трох каляндарных месяцаў да даты іх набыцця (заключэння дагавора) пратэрмінаванай запазычанасці па*:
па выплаце заработнай платы;
па плацяжах за спажытыя энергарэсурсы;
па абавязковых плацяжах у бюджэт, дзяржаўныя мэтавыя бюджэтныя і пазабюджэтныя фонды;
па крэдытах, атрыманых пад гарантыю Урада Рэспублікі Беларусь, а таксама пад гарантыі, выдадзеныя мясцовымі выканаўчымі і распарадчымі органамі;
* За выключэннем юрыдычных асоб, якім прадастаўлена адтэрміноўка (растэрміноўка) пагашэння пратэрмінаванай запазычанасці альбо ўстаноўлены іншыя меры дзяржаўнай падтрымкі па яе пагашэнні».
Акрамя таго, выключана частка ўказа пра тое, што закупка паслуг па транспартным абслугоўванні выканкамаў ажыццяўляецца з прымяненнем працэдуры закупкі з аднаго крыніцы на працягу толькі трох гадоў пасля ўступлення ў сілу дакумента (указ № 191 «Аб упарадкаванні набыцця і выкарыстання транспартных сродкаў» быў падпісаны 26 чэрвеня 2023-га).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
