Пуцінскі прыспешнік Ахлабыстын заклікаў знесці галовы расійскім генералам

Расійскі акцёр рэзка змяніў рыторыку.

Расійскі акцёр і зацяты пуцініст Іван Ахлабыстын рэзка змяніў рыторыку і абрынуўся з крытыкай на расійскіх генералаў і дэпутатаў. Сваю прамову ён запісаў на камеру, а відэа 23 чэрвеня размясціў у Instagram, перадае «Гордон».

«Так, бамбяць нас бязлітасна. У труху разносяць, шкоднікі, інфраструктуру Першапрастольнай, – заныў Ахлабыстын. – Але не будзем смуткаваць, землякі. Не будзем забываць пра вялікую гармонію рускага хаосу. За гэтыя бяды абавязкова нехта мусіць панесці адказнасць. Шукаць будуць дбайна, бо бяды ж немалыя – паляцяць галовы злодзеяў-чыноўнікаў, дурняў-дэпутатаў, паркетных генералаў, што не пралілі ні кроплі крыві ў баі».

Па словах Ахлабыстына, на месца звяргнутых злодзеяў і дурняў «прыйдуць прыстойныя, кампетэнтныя, разумныя людзі».

«Менавіта яны і прывядуць нас да перамогі. А калі гэтага не адбудзецца, дык няхай усё згарыць дашчэнту. Нам да гэтага не прывыкаць. З Масквой ужо такое не раз было. Масква гэтага не баіцца, бо Масква — гэта не дамы, не вуліцы, не тэатры, не выстаўкі, не рэстараны. Масква — гэта прынцып. А прынцып немагчыма разбурыць або спаліць. Ад яго можна толькі адступіцца», — падсумаваў ён.

«Вось гэта паварот», — здзівіліся ў сеціве метамарфозам, якія адбыліся з ім.

«Як пераабуўся», — напісалі ў каментарыях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com