Магутная атака на Крым: Севастопаль без святла, пажар у ваенным гарадку каля Керчы

У Сімферопалі грымяць выбухі.

У часова акупаваным Севастопалі ў ноч на 24 чэрвеня адбылося маштабнае адключэнне электраэнергіі пасля шэрагу выбухаў, што прагрымелі на тэрыторыі Крыму, піша unian.net.

Як паведаміў прызначаны Расеяй «губернатар» горада Міхаіл Разважаеў у Telegram, прычынай стала атака беспілотнікаў на энергетычную інфраструктуру. У выніку ўдару горад часова поўнасцю застаўся без электразабеспячэння.

«У выніку атакі ворага на нашу энергетычную інфраструктуру горад часова застаўся без электразабеспячэння», — заявіў Разважаеў.

У той жа час маніторынгавыя рэсурсы і відавочцы паведамлялі пра шматлікія выбухі, што раздаваліся ў розных раёнах акупаванага паўвострава цягам усёй ночы.

Як піша «Крымскі вецер», галоўнай мэтай атакі стала Балаклаўская цеплаэлектрастанцыя ў Севастопалі — адзін з ключавых аб'ектаў энергасістэмы Крыму.

Цяпер акупацыйныя ўлады ацэньваюць маштабы пашкоджанняў энергетычнага аб'екта. Мясцовых жыхароў заклікалі эканоміць зарад мабільных тэлефонаў да аднаўлення электразабеспячэння.

Акрамя Севастопаля, пра выбухі паведамлялі таксама жыхары Бахчысарая, Керчы і раёна гары Ай-Петры. Там размешчаная радыёлакацыйная станцыя радыётэхнічнага батальёна Паветрана-касмічных сіл РФ.

Відавочцы таксама паведамлялі пра пажар каля вёскі Шафраннае, размешчанай на захад ад ваеннага аэрадрома «Гвардзейскае». Гэта месца вядома як адна з кропак, якую расійскія войскі выкарыстоўваюць для запуску ўдарных БПЛА тыпу «Шахед»/«Герань».

Паводле даных маніторынгавых каналаў, у выніку атакі дронаў гараць склады 133-й асобнай брыгады матэрыяльна-тэхнічнага забеспячэння Чарнаморскага флоту РФ (в/ч 73998).

Зафіксаваны перапады напружання ў Сімферопалі. Маштабнае аварыйнае адключэнне святла закранула цэнтральную частку паўвострава. У прыватнасці, без электразабеспячэння застаўся шэраг вёсак Краснагвардзейскага раёна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com